放假

因為之前工作過度忙加上2個外甥女從加國回來,就放一個12日既大假啦!無出外旅行,只係想自己放鬆一下,同2隻monsters開心下.前4日只係休息下,但想不到每一天都俾2隻monsters狂敲門嘈醒,無覺好訓,仲日日頭痛. 不過見到佢哋咩頭痛都拋諸腦後,佢哋笑聲係我既止痛藥.

今日終於有節目啦, 就係去廸廸尼同佢哋瘋狂玩一番.
但由於落咗幾日狗屎都好怕去唔成,但天功做美, 冇落過大雨.只係出發前有點雨粉.

首先要多謝老天爺既愛o錫,之後係多謝6C9,Dee叔叔及Beatles哥哥既免費入場,令我哋一班人中之只有Maegan要買飛.多謝陳C9同梁C9既出席,令到一班小朋友如此開心.

雖然我未有小朋友,但我都擋係我既小朋友. 做小朋友真係又簡單又直接;唔高興就喊,發下脾氣;高興既時候就盡情咁笑.見到佢哋真情流露既笑臉,都令我甜在心頭.雖然宜家對腳好似唔係自己,但一切都係值得既.

仲有Dad同Mon都好似回到小朋友時咁參與所有項目.仲去學畫Minnie, 我哋仲笑Dad畫個Minnie好肥,梗係對住Mom畫啦!又或者Dad個心裡所有女性都係Mom咁樣,尊一及心裡只有她.見到你哋既歡笑,我都好開心.

好開心我有一個咁溫馨,咁多歡笑,咁愛對方既一家人.