好嬲

我呢排都係一個極度低落既情緒之下番工,日日都有野令我嬲到癲咗!
又唔識放開自己,令到自己身體發出警告.
落下了不少髮根,令頭上出現小洞洞.
我先識得放鬆一點.
但係真係放開了嗎?自已都唔知?

多謝上普通話班既老師給了我一句真言~
生氣是拿別人做錯的事來懲罰自己!

呢句說話令我放開了點,
當每次生氣既時候都會想起呢句話.
希望令自己的頭髮會長回來!

其實每個人都知呢句真言,
有幾多個人真係會做得到?
放開呢?
對自己要求過高係一種俾壓力自己既原素.
我就係一個咁既人.
成日想做到100分,
但一有出錯就自責或生氣.
後來發現原來唔係自己既錯,
先知自己既自責係多餘.

想過找另一份工作令自己過得好一點,
係呢個時世又點會一份工唔辛苦呢?
可能仲差,仲辛苦......
與其逃避不如面對,
比自己一個試驗去克服同處理.
令一切問題解決!!!!!!!!!!!!

我成日扮成一個好堅強既女子,
什麼東東都能面對!
其實咁係好辛苦架!
我要學懂去識放自己既情緒,
有陣時喊下,
可以舒緩自己既情緒!
喊唔係代表我軟弱,
係一種發洩!

希望我給自己的任務會達成啦!

朋友們不用擔心,
問題係要自己去解決.
我相信我能做!

p.s. 我喊了,終於流得出眼淚來!

今年第一次,亦係最後一次!
因為我不要再為d無聊既事與人再流d咁既淚!

我要開心!
每一日都要開心!