廣告時間......到 !

唔經唔覺地，醒B已經有自己的選擇權了。所講的是醒B已將各個家人進行了先後次序的排行榜。而排行榜就是決定誰被欽點要抱佢的榜，情況就像皇帝選妃咁，一經選中，誰也要抱佢，否則就會發難。但一經抱上手，醒B就會像樹熊，都幾難可以脫身了。而榜上首名 - 相信會是biBA吧！？

何以見得biBA會咁有威力可以被醒B選中呢？

見証 1 :

biBA 和 biMA分別回家見到醒B，醒B對biMA亳無反應 (biMA親述)；而見得biBA時就第一時間會笑，跟住就係張開雙手要抱抱，每次biBA都要講：「等baba洗手後先抱你啦！」，所以醒B都會"ee, aa咁通知biBA佢等緊抱抱。

見証 2 :

biBA一旦抱醒B在手，無人能吸引倒醒B被佢抱，如果你想搶，醒B就轉身避開，更嚴重的就會出手擊退試圖想將佢由biBA手中抱走的入侵者。就連以往話去街的編局也已經被醒B識破了，不再上當。

見証 3 :

有時堂哥見到biBA和醒B玩得好開心時，也會扭計要biBA陪佢玩，而醒B見到就會馬上發出咆哮哭聲，要返回biBA的懷中。

以上種種見証，令到biBA一返屋企就已經無辦法與醒B分開，咁咪有辛苦？另外，biMA咪無機會同醒B親親囉？好彩，每個BB都喜歡睇廣告，醒B也不例外，一到廣告時間，醒B就會睇到定一定，呢個時間的醒B會解開防衛網，所以biMA通常會在呢個咁短的廣告時間抱抱醒B，但廣告過後，一般又會回復正常。