我不再“全桶”

經過唔夠一星期嘅運動,我發現我條腰走番出嚟喇,哈哈.....我不再是“全桶”身形喇!

其實點解我咁快知道自已瘦咗D呢?!咪就係一著牛仔褲,一著件Bra就知(背肌細咗)!真係好開心,咁快就見到有D成績,我相信自己能夠好快擺脫到天下間最厲害嘅降頭----不瘦降!

不過話時話,都真係幾攰、幾辛苦!記得第一日游完水之後,我對手係“第”唔起,成個人好似散晒咁,只係想立即撻落床....好攰!

不過當第二次之後,就再無呢個情况,好好多喇!

至於Tennis,第一日打嘅時候,好似搵唔到感覺咁,打極都唔中,一係就撻Q,好羞家!如果唔講,真係以為第一次接觸網球咁,好搞嘢!

不過當第二次之後,又係再無呢個情况喇!終於搵番個感覺,仲打到唔少靚波添!唔知呢D係咪所謂「主場」同「作客」嘅分別呢?!我當然係「作客」啦!

總之一句講晒,做運動真係好處多,尤其係想減肥,真係唔到我唔信!