網誌分類：為自己喝采 |
圖片
網誌日期：2009-11-20 15:07
早幾日同靚媽媽一齊食lunch, 見食完仲有時間所以行咗H&M一陣, 靚媽媽個女係kitty小fans, 所以好自然地一去到H&M就會即刻閃咗去童裝部睇下有乜kitty野可以買比個女.
我地覺得H&M最偉大嘅並唔係同頂級品牌crossover, 因為根本唔會買, 而且將一向高高在上嘅kitty姐(指價錢)嚟個大變身, 變得kitty姐down to earth好多, 價錢好親民. 我承認H&M唔係樣樣都買得過, 我只係會幫襯下accessories, 其他一律唔掂. 但係hello kitty野都會係我選擇之內.
而hello kitty一向都好鐘意出d好靚但又完全無實際用途嘅野, 而我, 我亦相信大部份女人好鐘意買埋呢d唔等洗野, 我喺kitty魔力底下亦都買咗呢樣唔等洗野.
第一眼見到覺到好靚, 但可以講我用唔著, 可能小朋友會用得著, 我就一定唔得. 但係我地不停咁好靚, 好靚, 唔理咁多, 拎起上手即買. 其實咁多女仕咁歡喜hello kitty係咪因為佢係粉紅色? 而粉紅色又好公主feel, 個個女仔都要做公主, 所以我地咪比d男仕叫乜鬼公主病囉. 但其實諗深一層做公主有乜好喎? 睇下有邊個公主有好收場先得架?
此乃H&M質素, 唔好要求咁高. 我地兩個搵咗好耐, 覺得呢個經己係最好, 我覺得喺H&M買野最大嘅樂趣唔係平, 而係喺一堆野度不停咁搵, 搵到一件自己認為係最好, 而個價錢又好合理嘅物品, 嗰種賺咗嘅心情, 男人係永遠都唔會明白架!
順帶一提, 我放假呀, 我會30號會再同大家見面架!
冠中 2009-11-27 15:54
laniep 2009-11-25 19:46
無一事而不學，無一時而不學，無一處而不學。
..................................................敏大人 2009-11-24 10:03
呀e 2009-11-24 10:01
我見到有kitty 化妝品tim,上次同事話品質都唔差架喎
可以一試喎!
丫哩 2009-11-23 19:06
阿碟 =] 2009-11-23 13:34
h&m有kitty買既？位置係邊嫁？
搵日等我又去睇下先
Athena & Joe 2009-11-23 10:47
放咁耐假....玩得開心啲喎﹗
被寵壞之小V公主 2009-11-23 02:54
被寵壞之小V公主 2009-11-23 02:53
美若天仙 2009-11-22 13:03
killer6882002 2009-11-22 00:25
丹丹 2009-11-21 15:15
阿喱 2009-11-21 14:57
我也愛買公仔梳....
...不過係中學時
放假玩得開心啲....
爱美丽 2009-11-20 17:27
碧姬 2009-11-20 17:15
原來你買左梳~ 拎住隻kitty梳頭係咪會開心d?
你有冇帶埋kitty去玩呀? 等你返黎呀~