聖誕禮物

好開心又到左聖誕節，因為係我一年之中最鍾意最鍾意既節日，因為好浪漫，好靚，好有ｆｅｅｌ既節日．．．總之就好開心啦．

今年仲開心，返左份新工，竟然係呢度得到驚喜同幸運．．12月24日平安夜照常返工啦，一返到公司，正打開個櫃門，想放個袋係裡面啦．一打開個櫃門既時候，我見到一份禮物，橙色包裝，上面寫住Folli Follie．．心裡十分開心同興奮，但係係個一刻，我冇即刻拎出黎拆開，因為有少少唔肯定係唔係自己既．雖然我估應該係老闆送既．但真係有ｄ唔肯定，咁我就關返個櫃門，去針杯水冷靜下先，同埋settle左我份早餐先．再返埋位，當我返左埋位，我老闆就行過黎同我講，叫我打開個櫃門睇下，我即刻打開啦，當然即刻拎份禮物出黎啦．我表現當然係十分開心（雖之前已見到）但係個一刻肯定左份禮物真係老闆送比自己既．．．所以真係好開心，我即刻把禮物拆開，原來係一隻紅色錶帶，有水晶圍邊既錶．最開心既係，老闆話好欣賞我既工作表現，所以送份禮比我作鼓勵，希望來年做得更好．．我只係返工返左一個月，試用期都未過，老闆竟然送一份幾名貴既禮物比我，真係好開心．　最重要唔係禮物既貴重，而係背後既意義．．之後我地公司開左個派對，我仲抽中埋個細獎，港幣二百大元．我係極少有抽獎運，今年竟然係第一個中抽獎，真係覺得都幾幸運．．．希望未來既日子都一樣咁幸運啦．．不過最後都想講，今次呢份禮物真係最驚喜同最有鼓勵性，最溫馨既聖誕禮物．．．估唔到老闆年紀唔細，又係一個百份百既中國男子，都咁細心，咁識做呢

個包裝都幾靚嫁

個款就見仁見智啦，不過我覺得ｏｋ，我一定會帶，因為始終都係老闆送既第一份禮物，都係我第一次收老闆既聖誕禮物．．