08京奥

終於等到北京奥運開幕了。太興奮，從來都唔會等睇開幕，上屈更加唔知開幕係點。（因都冇心情睇）。今屈開幕真係精彩，睇到中國真係有進步。當然仲有好多地方都好落後，但係相比我細細個時去北京既面貌已差好多好多，即係有進步啦。

再睇埋中國既比賽，每一次睇我個心都有一種好感動，激情，直情每次聽到奏起國歌雞皮都起晒，好想大叫，大喊既感覺，總之好激動，我自已都唔係一個話好愛國既人，但係都有莫名既激情。

好似當我睇到中國女子體操隊高低槓失手跌左落槓個一刻見到個運動員好失望既表情，我既心真係好痛，好想流眼淚，我完全唔認識呢位運動員，名我都唔記得。但我會因為佢既失手而落淚，之後再睇到美國隊既運動員又係係高低槓失手，個一刻我一D傷心既感覺都冇，最多係”鄧”佢唔抵，但係同見到我地中國運動員失手時既感覺有著一種強烈既對比，係個一刻我感覺好强烈，深深感受到就算我地香港既人（包括我）依家係幾咁祟日，鍾意外國既品牌都好。我地始終係中國人，係同胞，血脈相連大家都是龍的傳人。雖然好娘爆，但係真真實實係我既感受。

中國加油！