經一事，長一智。

很多事情未發生時，都未必察覺到問題的嚴重性。

今天回到公司，第一件事是辦理大樹自已和樹嫂的醫療保險，轉過黎蘇黎世。

自已轉工不經不覺都個多月，一直都只係忙於幫朋友轉單。

姜太公封神，完全唔記得自已。

因為舊公司主要買C記保單，事實亦唔係差得好緊要，只不過係賠償額方面，大樹覺得有少少取巧。所以蘇黎世係比較好，但亦唔急於一時。（之前我係咁諗）

昨天，幫一個冇轉過黎既朋友攪舊公司既Claim。

冇錯，就算今日，大樹都可以幫佢攪到Claim，而且上個月都幫另一位朋友攪過，錢都攞埋。不過今次呢位朋友就冇咁順利了。

這位朋友是白內障，做手術。但原來「白內障」，C記既醫保係冇得賠，白紙黑字寫到明冇得賠既！以前冇得比較就唔知，今日再睇番蘇黎世既保單，係包既。

醫療保險其實好簡單，除左寫明不保的，沒有寫的都會保。而C記就係白紙黑字寫到明冇得賠。

不過Sorry，就算佢轉過黎蘇黎世，佢單Case都係冇得賠，何解？ =^.^=

因為，白內障係蘇黎世既醫療保險入面，有一年的等候期，即首年不保。剛轉單，都係冇得賠，所以理論上唔算損失的。

所以一言驚醒，為左將來，今日就拿拿臨攪妥自己同樹嫂既醫保。至於份人壽，由於是年繳未到期，遲下到期一定轉埋。