靚唔靚仔呢!唔係沙灘上嘅幼沙,而係我最滿意嘅作品!

我唸我真係痴攬咗,尋晚塞車放工返到屋企已經7點幾!啪啪聲開飯之後再急急忙忙快炒花椒鹽,為咗一個好渺茫嘅夢我就嚟玩死自己!但只有走入廚房,我先可以搵到自己嘅存在價值!我嘅廚房雖小,但想像空間無限大,天馬行空嘅幻想世界其實樂趣無窮!

其實好多年前已經喺一個師父身上學識整花椒鹽!秘訣係咩都冇,一個字係慢!要用慢火一個鐘炒香所有材料,當然材料嘅質素同份量亦都係致勝嘅關鍵!!我串在又比我撞到一種調味料,味道就係有咁微妙嘅分別!

好開心香港有兩位師傅開平民飯店都可以摘到米芝蓮!美食其實唔應該用高貴去堆砌,真正嘅美食係應該貼近生活的,我討厭去到高級餐廳食到淡而無味只得包裝嘅呆板料理!真正用心做食物終有一日會得到認同的,依點亦都係我一直奮鬥嘅目標!希望我嘅努力,終有一日都可以得到認同!

今朝一早去到郵局等開門,將我嘅心血遠寄!今次將會出走4個國家!我嘅baby,要好好為老媽開枝散葉啊!希望遠方嘅朋友,會欣賞我嘅心血結晶!

http://hk.news.yahoo.com/article/091126/4/fdcs.html

http://hk.news.yahoo.com/article/091126/4/fdcu.html

一氣呵成

老媽雜貨攤

強勢登場

新力軍