豪食咗咁多餐係時候要停一停,再出依度就口水成河架啦!返嚟!返嚟!食返綜援餐先!wahahahahahaha!

想打斧頭打到神不知鬼不覺,首先要搵最平而又可以最裝假狗嘅蔬果,冬瓜同豆角就最好用架啦!$6一扎仲要分兩餐,問你死未!wahahahahahahahaha!係咪想講點解冇肉呢,有瑤柱嘛!wahahahahahah!



之前買落嘅牛肝菌,簡簡單單連浸菇水一齊煮已經好好味,係另一清腸胃之作!

好多朋友對我買菌嘅店好有興趣,想我再開導嘗團,唔係真係收錢都有人肯嘛!wahahahahahahahaha!我最近放假d時間都已經full晒,真係抽唔到時間出嚟,自己過去尋寶啦,入面其實仲有好多嘢我冇介紹架!
 
耀成貿易公司

上環永樂街219號地下

2805 2017



真係谷攬氣,點解我個腦好似已經廢咗武功,唸咗好耐都唸唔到個飯有咩特別!如果冇記錯應該係牛肝菌焗飯,用浸菇水再加少少鹽同油就可能一鑊熟!個菜唔知叫咩名係喺泰國雜貨店搵到,味道甘甘地幾特別!金沙骨冇難度,用五香粉醃完之後炸佢兩嘢就攪掂!有朋友問點先可以炸物炸得金黃,好簡單啫,唔駛問大廚,車晒落鑊之後走去上網咪得啦!當然你要有番咁上下啦,唔係變咗非洲雞咪返嚟問我點解!wahahahahahaha!

新構思

老媽雜貨攤

強勢登場

新力軍