早幾日行開7仔,見到有本用膠袋封口嘅烹飪書聲稱以一份報紙嘅價錢就可以開到一餐飯!好奇之下買番本唸住學吓嘢!點知一睇之下,挑~ ~ ~ ~ ~ ~搵狗笨賊嘅!$10煮二人份量嘅事頭婆炒麵都算平,比我可以開到4人份嘅死狗米線啦!再睇用豉油汁撈烏冬都算一雞4味,咁我可以開到5味啦,仲有內臟佢都未用!我嘅經典$20一餐4人份3餸一湯仲未有人破到,我唸我都應該夠資格打正綜授餐出書掛,唔好忘記我每餐都係4人份喎!wahahahahahahahahaha!

一碌煙鴨胸,用掩眼法切到好似鼻屎咁細粒,再加埋半斤豆角炒埋睇落就會變咗一大碟!

$10又攪掂一餐,窮人都係睇餸食飯吧!wahahahahaha!

話說唔記得我家老爺會返屋企食飯,仆番屋企打開個雪櫃得番幾隻雞翼同半斤菜!屎得啦,唔可以比機會佢扣我家用喎!腦筋急轉變,車包雪吞又一餐!砂窩雪吞走雞!wahahahahaha!

預先預備好材料,5分鐘就可以表演完畢!

之前煮嘅白汁唔記得乜又食剩一半,再嚟煮餿水通心粉,又可以慳一餐!wahahahahaHAHAHA!

感同身受

最憎人蹝我嘢,預備好晒比兩隻死人嘢下午煮湯米線!但個個都懶到死冇人肯煮,嬲嬲地夜晚炒埋當一餐,睇吓以後仲敢唔敢,再嚟屎都冇得佢哋吔!

我家一星期先會有一餐大魚大肉食,當然係由我家老爺操刀啦!我忙到得閒死唔得閒病,操佢就有份!wahahahaha!

雜衣我都係第一次試,肉味鮮甜到不得了,如果喺街市見到絕對要試!我咁怕食魚都鍾意!

上天賞賜嘅大尾魷,唔係有錢就可以食得到!街市買到嘅真係冇得比!

tina最鍾意入廚房玩,放暑假時更加去中心返烹飪班!但中心嘅阿sir可能喺屋但從未煮過飯,煮出嚟嘅嘢係十級恐怖,所以佢帶番嚟嘅嘢我絕對唔會放入口!佢成日話自己煮嘢OK,其實會屙茄就真!kelvin個垃圾肚都比佢毒過幾次!我唔會攞我個玻璃肚嚟搏的,監生屙死嘅話死狀會好恐怖,爛屎眼而死喎!wahahahahaha!

kelvin煮我更加唔會食!我仲未環遊世界,咁早死我係唔會甘心的!仲要係死喺兩個斷估嘅傻頭手上更加唔值得!

係咪好奇怪點解我會一次過出咁多呢!其實係玩blog3年已經開始有d厭啦!從來都冇興趣上人氣blog,只係一心想交朋結友!朋友是識到了,錢也賺到了!wahahahahaha!講笑!講笑!只係覺得最近blog好似變得奇奇怪怪,令我唔敢再暢所欲言,為咗仔女私隱相更加唔想再登!入得嚟就不妨交流一吓吧,我討厭被監視嘅感覺!所以以後所有私生活都只會轉做私人blog,冇誠意交流我唔願再比人監察我嘅一舉一動!或者依度以後就只出綜援餐吧,搏有人搵我出書都好嘛!wahahahahaha!