御八築地宵夜餐·小試牛刀壹壹零

十月一日，為左想幫妹妹買張枱仔放響露台，我地就去左IKEA度睇睇，但最後都失望而回，離開都已經9點半，大家唯有硬食左個10蚊熱狗套餐，當然咁大個人，拘拘一隻腸仔麵包當然唔夠啦，跟住我地突然唸起老爆果邊間御八築地，所以就拿拿淋趕過去喇。

其實我地都算叫喇，只不過去到上水，原來真係唔係好識路，因為入親去上水都有老爆帶路，而今次真係唯有靠記憶喇。不過都好好彩，我行錯左少少路，但都搵到間鋪，兜左一圈，門口終於有得泊車，所以我地就擺低部車後就飛身入去喇。

呢間野的確係掂，以刺身為例，厚度岩岩好，仲好新鮮，其次料理亦好好味，但因為今次當係宵夜，所以ORDER左唔係好多野食，一份三文魚刺身，一份白TORO刺身，燒牛舌小食，同埋一客燒雜錦壽司。

既然黎得上水，當然就搵老爆過黎吹下水，大家都好耐無見喇，不過主要既都係比部WALKIE佢月中做花車時用。最後，就係佢對我地呢部AE110小試牛刀既時間。結果就係，士別三日，刮目雙看，渣慣本田車之後真係配若兩人，由起步到入灣，完全係本田車主既駕駛方法，其實我真係好怕部車“撩”埋一邊。唔知點解我成日都覺得部車好唔定，份尾成日都搬下搬下咁，但實際上，老爆入迴旋處果一刻，又真係完全咬得住喎，其實我係咪仲有好大既心理因素所影響，而攪到有今時今日咁既駕駛方法呢？又還是係，老爆渣返過往既伙伴，單手都已經有奴駕佢既功力呢？