100

16 - 10 -2009

第一百篇, 由 08年 8 月 4日開始寫,  原來唔經唔覺己經寫咗 100 篇,  可能相比好多人,  100 篇係好少 ge 數目, 但對我黎講一開始時真係都無諗過, 亦無信心會寫到幾耐, 而且仲會諗自已唔會唔得 3 分鐘熱度呢.

由細到大, 我都無寫作 ge 習慣,  亦唔識用文字去表達自已,  今次用文字去表達我 ge 意思真係第一次.    所以係我 ge blog 入面好多時都有好多錯別字,  又可能表達得唔多清楚,  請過去有睇 lee 個 blog  ge 朋友多多包涵.  hehe....

最初開始寫 blog ge 原因係有兩個, 對我黎講, 見網友用 blog ge 型式去紀錄自已小寶貝 ge 生活之餘, 可以同一班志同道合 ge 朋友一齊分享 , 又可以交流一吓照顧佢地 ge 心得同經驗真係好有意思.   而對 Birthday 黎講, 亦希望佢能夠係 blog lee 個平台結交朋友, 等佢 ge 生活多 d 色彩, 所以就學人試吓寫, 點知 一寫就寫咗年幾.

而事實係 lee 年幾以來,  兩個目的亦已達到,  首先多謝過去曾經比過好多養狗心得同指導我 ge 朋友,  等我可以更懂得點去照顧 Birthday,   等佢健健康康 ge 成長.  而最重要係 Birthday 過去 lee 一年有好大 ge 轉變, 由最初唔敢又唔識點同朋友相處同玩, 到而家佢會好開心主動同埋明白點去結識朋友, 所以現在佢已經有自已 ge 好朋友啦, 又因為 lee d 好朋友, 佢 ge 生活亦變得多姿多彩.  因為佢而家比我地 ge 感覺係一個每日都好開心 ge 小女孩.  Birthday 我地應承你,  BABA,  MAMA 一定會盡力令你 lee 個開心 ge 生活一直保持落去.

為 Birthday 寫 blog 亦成為咗我 ge 習慣, 希望大家有睇開 Birthday  blog   ge 朋友以後繼續入黎分享 Birthday  生活 ge 點點滴滴啦.