七姐誕~

昨日是七夕=七姐誕=我媽生日

亞媽76歲生日, 由唔知幾多歲開始每年都是食中餐, 西餐, 是乎她每年喜歡.....但這幾年d孫要反工, 其實只有我大女一個做野, 女婿做野又遠, 所以比較多食自助餐.....邊個到就可以食, 唔洗等......

今個月西鐵通車到紅磡, 又是星期三, 老人優惠兩大洋一程, 二女, 亞仔學生半費 8.8一程.......最主要是全部人都可以搭mtr (地鐵, 火車, 西鐵, 輕鐵)..... 所以去左亞誠哥紅磡果間酒店.....

今日唔係講食咩野, 好唔好食.....好難評論......每人要求有高有低......係講昨日到亞媽家和她們飲茶先, 再到附近和亞仔配眼鏡......

茶樓唔多人......一行五人, 叫了14 籠點心, 一大碟飯, 一碟炒麵......二女飽到死...都食唔曬....福建炒飯.....叉燒包....咸水角要打包.......

跟隨倆佬回家先, 我就同二隻馬瘤去眼鏡舖.....配眼鏡個靚仔哥哥唔在, 有個新女仔幫手,  亞仔簡左鏡框先, 再用電腦機檢眼, 近視冇加深, 但個鼻托早就爛左, 問她可否只換鏡框, 唔換鏡片? 答案是唔得, 大細唔同....如果靚仔在, 一定會提議只換回以前一樣嘅鏡框就得.......我當時冇反對她....換就換啦, 反正每年都會換新的.