中發源清真餐廳 - 深圳新洲酒店

中發源清真餐廳
地址: 深圳濱河大道新洲酒店 (皇崗 - 的士 $18)

呢一個月去左3次呢度食羊~  又好味, 又抵食

第一次我就去羅湖春風路萬家百貨斜對面既店
最近2次都係去 濱河大道新洲酒店既新店食, 裝修一流
相就冇影, 不過相都唔係太重要o者,  如果再去就補返啦

羊肉串  rmb3/串 ----- 必食3串以上, 佢唔似街邊既羊肉串肉細細咁, 呢度肉厚厚好有質感
手抓羊 --- 佢係用清水就咁煮的, 食時再點香料食
仲有其他羊排 --- 烤, 炸, 焗, 麻椒.......總有一款岩你食
除左羊, 大盤雞, 飛餅等都好好食

清真菜香港比較少, 上深圳真係多野食好多  XD

幾次去, 食飽飽價錢都係 ~RMB60/人
大家上去除左食小肥羊, 中發源食羊都係一個好好既選擇