2007中秋澳門遊

哈~ 期待已久澳門威尼斯之旅呀~~~

去到第一時間 check-in, 等左 十幾分鐘咋~
間房好大呀~~~

跟住落樓下商場行下, 有 d 人扮石像


呢......呢條咪o個條運河囉  XDDDD

跟住去左民國大馬路 - 美心亨利餐廳 食葡菜, 揀呢間主要原因係......佢可以睇到煙花  XD
野食普通......上次黎去海灣好食好多, 下次一定要試船屋

呢幅係眾多煙花相入面最靚既一幅, 睇左兩場, 10點半先走~

跟住.....過左黎議事廳前地, 準備上大三巴賞月食月餅, 我地仲買左幾個燈籠玩添~ 氣氛幾好

本來賞完月去食六記蝦子麵, 不過大家太飽, 去杏香園食糖水就算了  XD (冇影相)

食完即飛返酒店.....不過仲未返房住, 同個 fd 出去外面影下威尼斯既夜景先~,唔錯~
影完返去參觀下間賭場, good......贏錢走人

第2朝起身就去左紅街市睇下食街有咩食......最後去左龍華茶樓, 舊式裝修, 老闆好人, d 野食都 ok~
可以再去


食飽飽跟返個行程先.......先行去永樂戲院......冇野睇既
再行去三盞燈, 本來應該係再食呢個...... 成群小食店既魚湯粉既, 大家仍然未想食野, 我只係影張相留念算  XDDDDDD

行下行下, 大家又跟住我呢個傻佬行到去松山纜車站坐纜車.......幾得意的, 不過好熱......


上到去行 10min 就可以見到松山燈塔


間聖堂旁邊有個位影團體相唔錯的, 你地睇下~


嘿.......大家行返落黎時已經散晒, 不過我地仲未可以搭車住......因為一落山就係荷蘭園, 不如去禮記飲返杯雪糕梳打, 食支雪條先啦 XDDDD


食完又未夠鐘食飯, 準備去漁人碼頭行個圈~
有朋友就發覺行得太多路......要去買鞋換,  呢.....下面粉紅色係新買架  XDDDD


行到去漁人碼頭見到萊斯酒店, 幾靚喎, 有機會都黎住下先  XD


晚飯冇影相添.....去左 大馬路既財神爺, 叫左煲翅食$580, 有成 十幾碗, 都幾抵食
其他送都唔錯, 叫多 8蹶送都係1040埋單~ 8個人每人都係 130咋~
揀大馬路食晚飯可以方便大家買手信走, 買完手信再去保健牛奶食瑁甜品先去碼頭, 2日既澳門之旅話咁快就完 LU~ 唔知幾時再黎呢  XDDDDDDDD

2日消費, 房錢 $1250 (雙人, 我地3個人訓), 來回船飛 $270, 膳食+交通 $500
咁既價錢玩足兩日算係咁啦  XD