Jelly Jelly

小妹上星期生日去o左海洋公園, 因為4點一定要離開返church開會, 本來諗住一開門就開始玩, 點知我太眼訓, 訓到不醒人事....   成12點幾先入到去...  不過都好正呀, 加價前媽咪幫我地響教協買, 150幾蚊一張, 我生日又唔使俾錢, 即係兩個人average唔使80蚊一個人.  當然媽咪同阿爸果日都有去, 因為我同阿爸同月同日生, 呵呵~~  不過我地冇一齊玩呀, 因為我要玩刺激野嘛~

冇諗過會咁多人, 搭纜車都等o左over半個鐘,  好在機動遊戲唔使等太耐.  其中一個我好想去o既, 就係水母館, 我從未去過呀~ 

入到去首先見倒d坐響水底o既水母, 個樣好奇....

跟住再行入去, 就見倒d又係好奇o既Jelly, 唔知乜野品種, 點解d鬚咁長, d顏色又咁古怪o既...   不過今次佢地識得飄~  隔住塊好巨o既落地玻璃都睇得好清楚.  最初都唔知點影, 張張相都"out-fo",  到第5, 6 張先調較好部dc~

繼續轉入去... 嘩~~  好可愛呀~~~  場館用d唔同顏色o既燈光照著d jelly, 好靚呀~~  我地掛住睇, 都唔記得時間要走, 只可匆匆take埋d snaps...  果晚合埋眼好似仍然見倒d Jelly響度飄o下飄o下~  哈哈~  (不過, 千其唔好響我游水或者潛水遇倒佢地, 我諗我會嚇到唔識避, 周身辣傷... )