利記vs曼聯

利物浦對曼聯, 真係好好睇, 要速度有速度、要戰術有戰術、要對抗有對抗, 睇到眉飛色舞。

曼聯新買貝碧托夫, 立刻擺大個頭, 寧可要朗尼踢邊, 都要出三個前鋒, 果然立竿見影, 三兩下就入一球。有了貝碧的曼聯, 進攻模式攻加清楚, 禁區內以貝碧做第一個進攻點, 迪維斯做第二個進攻點, 而朗尼, 就負責插入。 

至於利物浦, 兩個入球都有幸運成份, 但亦有其必然原因。今場利記排出4-4-2, 中場人數上處於優勢, 更重要的是曼聯為遷就3個前鋒, 犧牲了兩邊, 結果利記可以不停的利用邊線發動攻勢, 打得曼聯要全面退守, 憑藉羅比堅尼的不停插入, 令曼聯防線不停受壓, 最後出錯, 是必然的事。

勝負之數 , 取決於中場的活力, 史高斯的老化, 早在兩季前敗於阿仙奴已見端倪, 上一季憑著C朗邊線上的出色表現, 勉強可以遮掩這個問題。今場波, 史高斯問題再次浮現, 雖然費sir不停調較, 用giggs換史高斯, 可惜以老換老, 問題依舊。

羅比堅尼雖然冇波入, 但在前線衝呀衝, 貢獻至大。咦,咪住先, 佢既角色o甘似古治既 ?

不過曼聯今場有好玩既地方, 就係臨尾用維迪打前鋒, 可惜唔夠一陣就紅牌出場冇得睇, 否則, 睇住架人型坦克衝呀衝, 隨時衝出缺口。

下一場, 曼聯冇維迪, 車路士冇泰利, 平手之餘, 仲可以睇到雙方既後備力量差距, 說不好, 呢場可能睇到今年熱門隊伍既長短處, 值得期待 !

<<doo doo chang>>