愚人節之慎終追遠

小弟屋企因為「死得人多」關係，每年的掃墓都係好大陣仗的──唔係因為多後人出動，而係要一日內到不同的墓灺拜祭，加上亞媽係果ｄ「傳統中國女性」，儀式祭品多多，所以每次拜山便是用足一整日的了。

今日天氣都頗熱，加上又接近清明，將軍澳墳場的孝子賢孫多得簡直和過年行花市冇乜分別。因為這是「首站」的關係，我們帶著今天所有的「用品」，沿著「長命斜」上路了。因為昨天才剛行完山，晚上又玩了ｂｂｑ等戶外活動，再加上晨咁早便起床，我的體力都唔知回復返有冇一半；加埋手上拿著的祭品，總之，就係行到我「死下死下」咁了。

攪左二個幾鐘頭，又要出發到下一個目的地──荃灣。其實乘坐交通工具的時間都佔了很久的篇幅，我可以做的，便是和親戚們在地鐵裡打ｎｄｓ了．．．．．．

今年有一個現象，放眼所見的就是多了很多人帶同「原隻燒豬」上山──多得股市暢旺關係，後人多賺了，先人們也「食」得豐富左了～

當然，我們後人們都很飽，因為每拜祭一位先人，大家都要把供奉的燒肉生果鬆糕煎埋吃掉──屈指一算，今天我們探了五位先人呢．．．．．．