避唔到呀!

哎.....我架電單車又死左啦................

之前阿黑格比浸左我架車,但係過兩日後我架電單車又冇事喎...行得走得又瞓得....估唔到我咁都避到呢場災難喎....

點知原來呢d都係假象,我以為佢大步lam過,身體健康,原來佢已經病入膏肓.....始終佢都浸過下水,所以裏面有d野已經生左锈啦.......我仲以為佢咁生性,錫住我荷包添,,,,哎....見佢咁辛苦,真係有諗過買過部新ge...但係之前先用左三千蚊去執番佢驗,而家又唔要佢,好似好慘咁......

哎......冇左佢真係好慘,生活超唔方便,冇車返工,搞到上個禮拜有幾日都要行路...琴日放左工,佢個病又發作,搞到'渣'唔走,又再次行路返屋企........今日去行街,行到好攰....但係都仲要用對腳行路返屋企.........

呢段行路ge日子都唔知仲有幾耐先完結,雖然佢依家入左廠修理,但係由於0個位整車ge大叔做野都幾'快',所以我都唔知何年何月先可以再見到佢呀!