突然制水

當我買好晒餸 仲連自己帶飯的份
老公B半夜返黎的份 同埋佢下午瞓醒的份量都買好了 (呢幾個月要返夜)
準備煮餸時..............

返到屋企樓下 LIFT口貼左張紙停咸水唔知停到幾時
看更話連淡水都冇 雖然唔係幾信但都開始淆底
唔係咁絕兩樣都冇下話?

上到去用淡水沖廁所 沖到尾聲時開出黎的水柱越黎越幼
幼到冇埋TIM 先知係真的
咁唯有等間落街食飯時問下個看更
點知原來成九點幾都仲未搵到原因
淨係知屯門公路果邊出事 附近幾棟大廈都冇水 但對面又有水喎
因為人地棟樓新d有水泵 我地果度唔夠力 淨係逢4號尾的單位先分到水
個個拎住d水盤水樽落樓下水車度斟水 真係WTF
再望一望LIFT口發現多左張通告
寫字咸水大約要20-25日先有返 妖！
好彩呢晚我地冇出夜街　唔係點沖涼？　
我去完芭比屋企沖涼返黎見到有個女仔剛回家
發現冇沖涼果個惆悵樣　突然心底好慶幸自己有涼沖
噢～我真係衰 (咁當然我都好同情佢的處境啦)
希望聽朝一起身有返水啦！