辦公室恥笑系列(三)

又單獨開會，今次傾咩? 傾數期。
一單生意傾完價錢，跟手就梗係傾數期啦。
向老細報告傾好左的細節，老細就問我知唔知呢個數期點解
於是我就向佢講解我對數期的認知︰
「假設今日1號…」「唔係1號。」
「咁當星期一起計…」「唔係星期一！」
我完全冇講的機會。
「依家呢個星期結，即係禮拜結，禮拜你知唔知係咩」
「…」「禮拜你都唔知係咩，你d英文一定好差」
你老母丫，我講都未講過野 真係冇佢咁好氣，都費事應佢
小學已經教左啦，就算我真係唔知咩係禮拜，咁同我d英文水平又有咩關係呢
「我地跟西曆，由星期日數起家嘛，你埋黎睇下個月曆就知」
仆街，你個老嘢到底知唔知我開果d單由上N手起已經係由星期一開到星期日?
佢根本一開始就只想表現佢的淵博學識，我唯有順下佢意
笑一笑，寫低佢講果D廢話
「明白。多謝魚生。」
因為如果我講佢知個真相，佢痴起線上黎可能要D單改晒做星期日開始落。
咁搞法我會變千古罪人…
其實有咩禮唔禮拜遮，邊日計起，米數夠七日黎結數law
學人地公司寫幾多日找幾多日錢仲簡單啦。