辦公室恥笑系列(二)

每日都最少開十五分鐘會，其實我新入職都只係學緊d打單野
阿頭都未得閒教我跟d野咁開乜春嘢會呢?
自問我對於吹水都頗有信心，我決定向老細學習一d工作上的事情
阿頭講到佢好肯教人，咁我唯有試下向佢「學習」

我做新鮮食品，其中冰鮮雞呢個環節係佢地較重視的
於是我決定問佢雞的種類我點去分
因為我去出去買市場上某品牌的雞返黎做樣辦時
實地視察過果度有好多種雞 而你根本分唔到乜打乜
而我亦都知老細好buy佢呢頭講完 我第日就晨運咁早幫佢買左隻返黎試
(話說烈日當空我等果間野開檔 附近得果間野有
等左半粒鐘先問到原來果檔野個雞佬放左假......第二日我又等左半粒鐘佢先開檔)
所以暫時就主力研究點樣做雞
問佢點去分D雞種 但老細只比D模棱兩可的答案我
並叫我唔知就去搵 咁第日就乜都識
我好奇怪一個咁鍾意教人野同埋認叻的人竟叫我自己搵
難道佢係果種識得作育英才的老細!?
再問多幾問D相關問題 老細仍然係比類似的答案我 我決定唔再問
再問佢只會覺得我乜都唔識又唔查 因為享佢地老一輩眼中
互聯網是萬能的 乜都查到的

後來落返去同阿頭講 阿頭話事實上D新鮮食品主要係老闆娘負責的
我先知老細應該係唔鬼識........我再落街市企一陣 諗左諗
先諗起果D係咩雞根本唔重要 師奶邊識分乜雞物雞
我老竇都只係識分黃定白定烏雞 我先搞清楚自己要了解D乜
唯一肯定的就係，搵嘢請教佢呢條橋係唔WORK的。

後話︰
後來組別例會唔記得老細兩公婆嘈乜
老細講左句 「劏左隻隻都一樣樣架啦」
我就更肯定知道其實佢都唔識，亦都唔需要識。