UPDATE!

好耐無寫過野喇, 寫下先.  近排我自己搞到自己好似好忙甘, 但其實又無咩生產力.  由1月起已經好少返工喇, 平均每個月都有20日假, 個人變得好懶.  由於假多, 所以成日想搵人陪我玩. 最近的活動包括:

1) 農曆新年時用左十日學台灣牌, 每天都打, 感覺勁爽, 現已愛上了, 要KEEP住每星期最少打一次, 難以抗拒. 

2) 藉著每星期的龍舟訓練減肥, 但係以過往三星期既表現, 我似增肥多過減, 因為玩完一大班人去食得仲多, 減肥失敗.  唔通真係要開始跑步先減到?!

3) 上話劇班已有1個月喇, 聽多D, 學多D, 希望將來於舞台有好的演出, 但最想有既效果係去診所既時候, 有最佳既突破....攞最佳女主角.  多謝多謝~

4) 呢兩星期會有戲排, 希望捌秋壹能順利進入總決賽, 到最後WIN埋甘就最好.....我要比D心機學演戲!

5) 日日打機, 起緊THEME PARK, 隻眼好快會盲~

由於要做以上幾樣野, 有好多野都遺忘左同有好多野想做, 希望分配好D時間比以下活動:

1) 成日掛住出街, 要多D陪屋企人食飯. 

2) 好耐無見唔識打牌既朋友仔和同學仔喇, 約返佢地食飯先.

3) 上星期一班人去左唱K, 發現自己已有好幾個月無唱歌喇, 唱得差, 睇黎都要練下先得....我要....越唱越強.  其實唔知自己平時有無用錯氣, 發錯聲.  上完話劇班, 搵個唱歌班學下先得.

4) 完成話劇班, 希望可以係匯演到用到

5) 參與大大少少既龍舟賽事, HEHE包括去吉隆坡.

6) 於搶包山前, 去做攀石訓練

7) 好耐無SHOPPING, 雖然慳左好多錢, 但係成日爛身爛世都唔係甘好, 搵日大出血先得.    

8) 5月阿SAM生日, 要玩校服, 希望借到件校服返黎.

9) 學左化妝都差唔多半年喇, 近排進度好慢, 快D學好SET頭,

最後希望既係我可以KEEP住放假, 打牌打機, 玩玩玩~ 哈哈.....好無聊~