10/9/2009 - sudden job & wine

昨晚收到秘書電話，話老細上午唔係度，改左下午開會。

即係上午唔駛返．．．公司，都要做野～

咁就訓晏d 啦!

中午約左法蘭奇飲茶，梗係啦！佢熟呢行嘛！梗係要請教下佢！

況且，原來佢中學係諸聖讀，仲要同我同年，即係其實好有可能以前曾經碰過面。(!?)

傾左一個lunch，又聽多左個秘密，真係．．．

晏左返公司開會，原本四點幾有個job都去唔到，佢又話唔駛，就疊埋心水回家吃飯～

點知又突然收到Ecoh call,  話model肯等化妝師, 問我去唔去。

有job就梗係去啦! 不過真係有d突然, 飯都未食就出左去。(好彩食左一件仔媽咪的生日cheese cake)

去到studio, 終於見到echo! 聞名不如見面!

不過今次唔係佢影, 係佢朋友johnny。

個model面圓圓輪廓ok, 對眼幾靚, 係眼圈勁d同堂眉要執執~

快手化完, 我覺得都ok ga!

本來走得ga la, 不過我習慣會同人吹下水。

尤其是見枱頭有支紅酒，就同echo聊起來。

之前飲過支19% alc vol，的portual好好飲，因為夠甜香味又醉人，閒到都醉。

一直都唔知係咩酒，仲懷疑究竟係咪紅酒黎ga?!

今次找對人!echo咁arm對wine有d認識。

＊＊原來葡萄牙紅酒釀法有d唔同，佢地會係葡萄酒釀到一半時，加酒精殺死酵母菌。因為酵母菌係靠食葡萄糖發酵成酒，所以呢個動作令到仲有一半糖份保留，加上加左酒精，所以portual 係屬於sweet red wine，係特別甜同酒精濃度特別高。

又學左野！仲厄到杯sherry飲! 甜酒真係幾好味，真係會唔覺唔覺飲醉ga!

返到屋企10點幾先食飯，雖然累，不過今日好充實呢！