天堂地獄之間

聽到咁大鑊，都覺得佢好唔抵。

講真，一場相識，你有事唔通我會好開心？！釘牌唔係講笑!

點都好，可唔可以唔好亂將茅頭指向人？一個細路女，會唔會咁得閒、咁有心機害你？有無諗過件事你自己都有責任？

我知道，呢件事係佢心中一條好大的刺，所以一直極力保護自己（雖然一直死性不改），寧願孤單都不願讓人了解。

由識佢第一日，已經感覺到佢背負好多過去，還未開脫出來。但一直用錯的方法，一直重蹈覆轍，一直重覆又重覆的結果。

不過我真係好頂唔順，點解又要我幫你執手尾？

人係你識，單野又唔係我搵，做乜又叫我幫你執手尾？

之前幫佢做單野又係咁，搞之前又舉棋不定，一定左又摧摧摧，搞到我叫人幫手問左幾次，搞好哂啦！突然又話cancel，仲叫我夜晚十點幾打去同人講！大佬！人地都係人姐！放左工就無必要幫你做野啦！可唔可以尊重下人地私人時間呀？真係駛人唔駛本。

麻煩左人咁多次，仲要樣衰衰咁叫人cancel，真係．．．！！

呢鑊野開頭又矛頭亂指，最後根本唔關人地事。又搞到我係天堂地獄走左轉，又冤枉左人地。

但呢單野唔知點解搞到咁大鑊，肯定唔係單一原因，要追溯返我諗要好多好多個如果。萬事必有因。

不過算算算，佢都咁慘，我又衰心軟，唉，幫埋你呢次！況且我都覺得需要做既。都唔知點解會幫佢．．．

不過我好欣賞佢一樣野，係應付逆境能力超強！可能真係經過千錘百鍊先會韌力咁強。

換轉係我，又實要頹一排。呢種韌力有佢一半就好咯！