影人+俾人影

今日未訓醒，接到summer電話，撩我去舊機場消防局影相，其實佢約我昨日，但我昨日full booking，其實今日本來約左美國表弟行街ga，搞到我放左佢飛機~ (本來以為妹妹接力，點知原來妹妹都放埋飛機．．．．．．對唔住阿li!）

12點confirm，約2點，趕得我！（因為要搵衫＋化妝）

今次係第二次影呢d 相，上次已經係n年前，仲要d相唔知去哂邊，不過影得唔錯ga~ 感受係笑到塊面抽筋咯!

仲要原來好鬼遠（3、4個字腳程左右啦)，去到仲要發覺地面非常之爛! 滿地BB彈(因為曾經係WAR GAME勝地) +玻璃碎+石屎碎(因為不久前火災，我當時仲搭車經過見住火光熊熊）

摧殘了對心愛的高跟鞋，D碎石又un到對腳好痛!........下次去影相，千祈千祈要帶多對平底鞋！

今次全程扮cool，唔駛笑到緊哂～

我幾鍾意呢張，不過摸完幅牆，成隻手黑哂！

呢張個頭顎得太高，但唔顎咁高又照唔到個樣，但我幾鍾意個mood。

我手癢，又幫攝影師summer影左幾張~

呢個係男廁黎，summer件衫又反光，個mood真係一絕!

影完後發覺，我都係arm影人多過俾人影，皆因我無乜表情，個死人樣又惡死，唔惡就呆～死未！

我都係做唔到america's next top model裡成日強調的: connect with camera~

點知summer臨尾話原來佢鍾意俾人影多過影人，哈哈! 搵次調返轉先!

影完對腳痛死! 仲要踩住對痛腳行返去mega box，影相原來好累的！

現場有team發燒友整個cosplay，街霸的上校 vs Cammy 。個效果又幾襯wo~ 

又有d model 著條背心裙係度影.........見到都凍ar! 我著住件長袖都食風食到傻! 所以影完係好肚餓~

好彩，下一場係去panda hotel食buffet!