2009年渣打馬拉松 之 正式上演........

上年參加完半馬班男仔話，今次10km要報早d既組別，唔想同人迫，本來佢地想參加最早出發既挑戰組(限定完成時間為1hr10min)，但考慮到女子組既體能，最後大家一齊報10km既RUN 1，起跑時候為5:35am，但開跑前30min，就已經係寄存行李部既deadline，即係話，我地要5:00am到達會場(維園)...........

4:00am出門口，只係瞓左3個鐘，起身個下真係好想放棄........幸好，得魚脆友既好提議與親戚價，一行5人便乘的士前往會場了.......每人只係$30車資，4:45am便已身在維園了......還有時間在起跑點，於臉上及手上貼上有渣打及馬拉松logo的印水紙！

 (賽後美食)

5:35am，天都未光，正式開跑，我祝民少一路順風後，便各自各出發了.......雖開始時有殺手相伴，但還是催速他不用就我了......一來肥牛步不是人人做到的.........二來我還是需要自己一個人跑會較好.......隨了因無氣，不可能同時跑步與傾計外，亦深知自己倚賴性強，如果同人一齊跑(特別係民少)，我是更難堅持的.......而且各人有各人步速，還是終點見吧.........(應該佢地會快過被車接走到終點的我)

因自知跑得慢，已經行埋一邊，但後面大量既人群，不斷向我擦身而過........以前一直覺得東區走廊好wide，但而家一d都唔覺........d人仍不斷撞我手爭.........我忍耐住不滿與挫敗感，同自己講"我有我自己既步伐，唔好亂，呼吸要有節奏....." 亦安慰自己，其他人都係邊跑邊行架o者......加上開跑5分鐘左右，已見人排隊去廁所了.......但同時，比我們早30min開跑的挑戰組已經在對面線開始進入最後1km........

一直跑一直跑........約開跑後15min左右，見到有人開始停步改為行喇！雖然我小腿都開始麻痺，但頭先俾人追得太兇喇，所以都係頂硬上，keep going on.........

此時見到遠方位置，有一排排白色人影在濡動，心想 "大會幾好喎，安排咁多啦啦隊o係前面同我地打氣！" 點知越行越近時，先發現前面個個唔係台，亦唔係啦啦隊，而係一眾的選手們在上斜路..........果然我係未瞓醒........

因平時最多都只係跑半個鐘，今次計劃都係跑半個鐘，跟住就開始用行既方式前進，等車來接我走，所以只一邊望海一邊默默地跑......怎料跑呀跑的時候，已到轉折位，開始跑對面線喇，再向上一望，竟發現 "4KM" 既牌！望一望錶，發現用了35min，係我生命裡有史以黎跑得最長時間與距離的一次呢！

真係非常驚喜，又計一計數先，4km x 2.5 = 10km，35min x 2.5 = 88min，就算計打後既路跑唔到，改為行路既話，兩小時內應該都可以完成到喎！

於5km位補水後，精神好了不少，而且沿途每一km既牌都有人影相tim。怎知到了6km，開始肚餓！原本已累的我，只好用上比肥牛步還要慢一點的"終極肥牛步"了...........

既然都已經過左一半喇，無理由仲要俾車接走架?! o係7km左右，上斜既時候，有放棄想行既念頭，剛好後面有個男人同佢女人講 "挨埋落去呀，上埋少少斜路就無架喇！" 都係多得佢依句先令我繼續不停步，雖然之後仍然有斜路............依個時候天開始光喇..........

o係8km又補完水時，已經跑左1個鐘零10分鐘喇........剩返2km咋，而且不停記起民少既教誨 --- "就算攰都唔好停，最多再慢d，因為一停既話，係需要更大既決心去再起步，而且體能更比未停步前更攰架！"

就係咁.......黎到最後1km! 終極上橋斜路位黎喇！依條斜路比起之前既暗斜實在差太遠，跑左9km既我，對腳真係好攰，提都提唔起，又好肚餓，最後終於改為行........一步兩步三步........嘩，唔得，對腳立即麻痺晒，但仲有1km要跑喎，要keep住個engiene呀！終於再用跑，完成左個斜路.......

一落完斜路，已經望見維園喇！進入最後500米既大家，包括我自己，突然覺得好興奮，於是不理會呼吸節奏，奮力向前跑，但係一唔用肥牛步，我就開始喘氣........所以進入最後藍色地道直路時，都係用返肥腳步算............

在臨近終點時，發現右手邊充滿人群與鏡頭，所以我專登跑向 ---左邊............以免被人攝下"貌似行路既跑步姿態"...........接近終點50米時，才用盡我所有力量，好讓風吹過頭髮，就算被左手邊既大會攝影影到，都還算有跑步感覺吧..........3......2.....1.........衝過終點了.........歷時個半鐘的不停步密密腳，終於停止了............