2007年大事回顧

就襯o岩o岩過左2007年一個禮拜，學人黎個上年既大事回顧先！

<2007年大事回顧>

1月

成個中學時代都圍繞住紅大字會，o係1月時就有一位師姐結婚喇，而新郎哥亦係前red cross member，他倆由相識至今，已經超過13年！緣份令他們結成夫婦，真係可喜可賀，恭喜恭喜！

2月

同Carmen Li密謀兩pair人復活節去台南旅行！好興奮咁查晒章程，去旅行社攞資料，兩個人單獨食飯交換資料，仲要撞到阿威，哈，佢驚訝於點解只有我地兩個一齊食飯。但事意願違，我同民少最終都決定唔去...唉...而家回想，我地今次去唔成，壞處係: 下次真係無乜機會可以一齊去到...而好處係: 為左下半年既錢銀舖路......

3月

點解無啦啦唔去旅行呢？終於記得 ------ 係因為令全城瘋狂既"WII"出現呀！一向唔多打機既我，都為WII而心動，有見及此，民少就買左部返黎喇，YEAH! 個一排打到手都痺晒，好似真係打完網球咁，身邊個個朋友都俾佢吸引！近排又買左D新GAMES返去，又再瘋狂於WII的世界中......

打機停不了，繼買完wii後，亦受不住大家既影響，由民少送出NDSL俾我，雖然最後發現佢打多過我打既...

4月

第一次做婦女檢查，真係無乜不適感喎...過程快而簡單...最驚都係等結果既時候o者......不過檢查後兩星期，身體出現左另一D奇怪野，o係自己嚇自己既情況下，覺得會大禍臨頭，意志消尋左成個星期...那星期既心態係 --- "唉...算啦...人終有一死...只要我死後父母民少唔好太傷心就得架喇...我唔會要民少成世為我守寡架......" 一個星期後睇醫生，醫生竟然反問我: 咁有咩問題呀?! 我當堂O晒咀...原來依個幾星期係庸人自擾！亦令我開始發現我既精神狀況不太健全......

4月30號 - 揀樓！！！

5-7月

2007年亦係我人生重要既一年，因為...我地終於有自己層樓！話我厚面皮都咁話，如果無我既執著，你係唔會買沙田既1806，可能會係天水圍既1806，所以我知道，而家既1806雖然無名但有實既...多謝你又一次兌現承諾...

1806初出現既3個月，我都進入超級緊張狀態，之前出現既精神壓力，o係1806出現時進入白熱化！俾完首期後，我足足唔想食野唔識笑兩星期！可想而知係幾咁大壓力！再跟後既3個月，仲會易怒易喊,小題大做,神經質,總之有幾黑人憎就幾黑人憎！而心態亦都前後出現重大改變！有個朋友話得我好o岩，佢話依d叫自私，無承擔！無錯...1806既出現，另我有小飛俠綜合症...一個永遠唔想長大既病...

很抱歉這幾個月來我所帶俾你既沉重壓力，相信依幾個月係我地既黑暗時代，亦係你消廋既原因......雖然依一刻，仍未可恢復最初既雄心狀志，仍然係易亂洗錢，不過一切正在康復中...黎明前係最黑暗既，所以相信經過地獄後，到處便是天堂...

5-10月

5月5-6號 - Mauca trip with carmen li & wynn
8月24-25號 - Mauca trip with民少
10月20-21號 - Mauca trip with alice & pop

差唔多隔一個月就去澳門一次！仲要次次去玩去睇既野都唔同，乜澳門真係咁大咩?! 計計下，去3次澳門既旅遊費，差不多可以平平地去一次泰國到hea喇...唔怪得草極都草唔到錢啦！不過，3次去都好好玩，好好食！hehe...雖然無錢，但都可以平玩平瞓平食架o者！

6-10月

為左有多D錢，剩係草錢都唔係辦法，何況根本就草唔到，所以有生以黎，第一次用左雞碎咁多既錢去買下股票，不過我既3分鐘熱度性格，玩左幾個月就無心機日日追...而家仲處於蝕少少既狀態膠著緊......

11月

生日月，完本諗住無乜生日禮物收，點知民少都係月月赤字既情況下送俾我...我好慚愧地今年根本無正正經經咁送過件好野佢...希望下年補返數啦...

見到追開佢blog既jeff，仲攞左佢張梳化做1806既舒服椅...希望可透過梳化攝取到佢既勇氣同幸運......

12月

攪party雖然累，但係睇到一大班人玩得開開心心，辛苦d都值得！

總括2007年，雖然有一半時間都處係擔憂之中，不過原來時間可以証明一切，1806既誕生，真係要好多謝身邊既屋企人同朋友支持！最初最缺錢周轉時，得到民少屋企人同朋友既資助，最記得民少,榮少,阿迪，夜媽媽開開下party搬對實心廚房門去垃圾房，真係出錢又出力！然後，好多謝爸媽既愛心支持，無論驗樓,鑽牆,搬傢俬無say no外，有適合我地用既野時仲會留俾我地，而家1806入面所有傢俬，都係多得爸爸呢....亦好多謝阿貓(司徒太既暱稱)，能夠與我傾談間，俾到正面思想我，The last but not the least, 最緊要係民少既不斷努力同付出，真係睇到我有d心痛...而我自己...俾多d笑聲同快樂你地，為你地減壓算唔算付出呢呵...?!哈哈...而家先發覺1806係o係一個咁圓滿既環境下成長......

2008年目標:

1. 真係要收心養性去草錢喇...同當初要草到既金額相差太遠喇...再係咁唔駛旨意裝修呀...
2. 發現自己成日乜都唔想做，剩係想訓係張床到唔郁，唔只係懶咁簡單，而係連以前有興趣既野都唔想惦...我唔想做美國個個痴係梳化到而死既大山婆呀......要少D負面思想，多D正面能量，積極一點！
3. 要沖亮先瞓覺，要煮飯唔係買飯，要工作時間上少D網多D做野，要食少D野or做多d運動，要重新愛上整甜品......要實現自己講過既野！

最緊要係身邊個個都身體健康!哈哈！