LESSON 1 - 朱古力士多啤梨瑞士卷

2008年4月22日，我終於的起心肝返學喇！今次係我人生有史以黎，最期待既一個課程，包唔會上堂釣魚或走堂！

雖然要行6層樓先上到課室，但係一D都唔會退縮，仲行快D，唯恐MISS左課堂開始，OK，今日第一堂要學既係 - 朱古力士多啤梨瑞士卷！！！

本來只係學朱古力瑞士卷，不過因為材料夠製兩條迷你卷既關係，阿SIR專登將另一條安排為士多啤梨卷，STAWBERRY IS MY FAVOUR!!

一堂本有10個學生，但第一堂只有8個出現，仲好！
首先阿sir會做一次，我地之後再自己落手做，其實真係好似中學時既家政堂，當然唔似以前咁，每個step都要出係睇一睇啦，事關學既人，大部份都唔係第一日煮野食or甜品，多數人黎都係學下o係書本無教到或難解釋到既小祕訣。

好似今次整既瑞士卷，其實只係將朱古力蛋糕，加cream，卷埋就係，不過要點卷，or個蛋糕要幾薄, 質感如何，依d就最好係上堂學喇！諗起每個星期都可以的起心肝整1-2樣甜品，仲要唔駛自己洗野就開心喇！

新鮮出爐既朱古力蛋糕，因為係整迷你卷既關係，個蛋糕真係好薄，亦都因為咁而易卷D

話咁快就卷完，左手邊係既朱右力CREAM，
右手邊係用CREAM+士多啤梨甜醬+新鮮士多啤梨粒而成，
用保鮮紙一邊包一邊卷，就可以令瑞士卷定型喇！

本以為有3個鐘既上堂時間，2個鐘就完成，因為今堂只係學一樣野，加上聽參加開工聯會烹飪科程既同學仔講，每一堂都係有早無遲地放學既.......

返到屋企放落雪櫃雪一陣，就急不及待試下自己手勢喇.......

其實完堂時都已經試過阿sir既手勢，蛋糕鬆軟，cream味適中不太甜，最喜歡有士多啤梨粒增加口感，而自己的呢.......

其實整既時候都知唔係咁惦，因為焗爐位置有限 (唔似以前家政堂咁豪，每兩人一個大焗爐架......)，材料打發起後不能即時入焗，令蛋糕內的空氣走了不少，導致蛋糕焗出黎後不夠鬆軟.........不過，食落味道也不錯，唔會肚痛咁啦！哈哈！

樓下既係 - 朱古力蛋糕朱古力醬迷你瑞士卷，算卷得幾好架喇，因為.......

樓下既朱古力蛋糕士多啤梨迷你瑞士卷，因為有士多啤梨粒既關係，比較
難卷.......切出黎後好樣衰呢........幸好味道仍在.......

平時我唔鐘意食出面麵包店買既瑞士卷，因為好討厭個D又濃又結既CREAM，不過自家製既CREAM一定唔會咁漏，BINGO！真係好味好多呢！美中不足係個蛋糕較濕，係咪應該落少d蛋會好d呢......