網誌分類：鐘意講 |
2008年3月6日 (星期四)
因近來被BSB再挑起情愫，另一度遠離佢地既我重投懷抱，於是盤算著是否應買下他們上年10月發行既CD呢?放工到CD舖一看，再看，三看，將UNBREAKABLE這CD來來回回收銀處3次之多......最終還是放下......一來現今網絡實在太發達，二來...雖然有ASIA TOUR版本 (分別在於多一隻DVD及幾首REMIX歌)，但嚴格來說已不算是新CD吧......唯有依依不捨地放棄.......
到夜晚，當然要敘述一下我既偉大事跡俾民少知啦！好讓佢知道我為左慳錢，連BSB都可以放棄.......
但再夜D時，俾我睇到U WANT訪問佢地喎！傳媒既力量真係唔講得笑，一句話"被評為2007年最好聽既一張流行碟"，咁就另我所有理智都無晒，決定聽日一定要買UNBREAKABLE喇！
2008年3月7日 (星期五)
夜晚，民少話我知.......佢已經買左BSB既CD俾我喇！
我一聽到.......不但無即時多謝佢！仲要怨佢！
因為.......佢買既係大陸碟！！！即係老翻呀！！！
太過份喇！BSB既碟我從來都無買個老翻架！雖然曾經有想DL既念頭，但我個人認為....DL總好過買老翻既 (自欺欺人中)!
我知你都係想我開心先買......但係......我實在覺得好對BSB唔住呀！支持偶像最最最好既方法，就係俾佢既賺錢丫嘛！我買佢CD咪就係最好既支持方法囉，而家俾你破壞晒喇！
就算要買，好地地有一隻CD+DVD既唔買，而係買一隻大陸最興既，新碟+舊歌精選.......HEY！舊歌我有齊9成半啦......
唉.......而家有左隻碟，如果我再俾錢去買正版，咪比我星期四想買既時候仲貴?!真係俾你激死喇.......
你仲要不斷SALE隻碟，話木盒包裝，有兩隻CD，又有歌名中文釋名........
哼！係呀.......唔記得大陸最叻翻譯既tim........於是UNBREAKABLE就釋作-----愛無敵喇.......簡直係匪夷所思呀........救命呀！
有時你既心思......實在有夠驚嚇的.......
我真係講唔出多謝.......唯有講句I LOVE U啦.....(可想而知，I LOVE U係可以包容好多野既.......)
2009.11.21bday bkk trip- Day 2 8點幾就紮醒左訓唔返, 我0係床上又胡思亂想, 諗公司d煩野…於是鬧鐘未響都彈起身......
Wynn 2008-03-14 13:28
我最鍾意假野ga,譬如周汶崎果d我都buy ga
阿man都好鍾意果位翻版司徒ga,佢同你真係有少少似ga,尤其對眼law
but身材就好似佢好d la,同埋呢果個翻版司徒唔介意呢d野law,佢話阿man送的就開心ga la...........
唉,司徒你就咪咁la,小心正版變翻版ar
Koala2008-03-14 14:17
討厭!!
精叻 2008-03-12 19:55
為左自己嘅偶像，呢D錢真係唔慳得！
我自己都係咁，好似華仔出碟，我都第一時間走去…………DL先，新所謂”先聽為快”嘛，而且自己未必有時間即時去買，拖拖吓就過晒氣架喇！不過點都好，不出一星期我就會補返貸，而且正版入面D相同埋POSTER係老翻點都冇嘅嘢！
但係你男朋友都已經好好喇，起碼佢會投其所好，買你鐘意嘅嘢，我男朋友連買老翻都覺得唔值，都覺得晒錢！！！
Koala2008-03-13 14:27
但係o係個一刻......我就真係令願佢唔好投其所好喇......
唔買CD俾你唔緊要！最緊要買D你負擔唔起既野俾你丫嘛......哈哈哈......
荔枝 2008-03-12 17:10
哇哈哈......尼篇仲好笑過頭先睇booboo果篇丫!!!!
原來你隻bsb係翻版黎咖....等我仲一直以為你買左天.......笑屎我啦!! 我估如果我係你, 心情同反應都會同你一樣, 作為粉絲的我地,真係唔可以咁對我地偶像咖!!! 大家係唔會明白我地既心情咖囉~~~~ 唉.....我明白你的心情!!
其實女人唔麻煩, 只係唔想比人知有假野之ma.....點可以貢話女人bor...山羊同學.....(小心被d保護婦女團體話鬼你)
但話分兩頭, 民少買尼隻碟比你, 都算係咁丫...你諗下...佢簡直係將佢全部既一部份再分d落你度, 都算係唔錯丫, 只係出錯左少少姐, 嘻嘻!!! (唯有咁諗啦.....i love u 真係好利害丫)
朱古力..我懷疑果隻大陸翻版bsb有你份唱bor.....其實尼隻bsb係咪就係佢地5虎錄咖....哇哈哈.....
Koala2008-03-13 14:31
有機會俾你睇下隻碟......你就知道......愛...係幾咁無敵喇.....
朱古力 2008-03-12 13:58
你地唔好嘈la... 將唔要既野通通比哂我就得架la....
Koala2008-03-13 14:32
雖然隻碟係咁......不過放心.....我係唔會將佢送俾我既野俾人或者扔左去既......最多....打入凍宮啦！哈哈！
民少 2008-03-11 21:05
Koala2008-03-13 14:35
Koala 2008-03-11 17:40
咁如果:
山羊你身上既唔係正版Burberry銀包，而係羊女o係羅湖商業城買俾你既A貨;
又或者榮少戴既唔係價值三千幾既Gucci眼鏡，而係Boo Boo為你揀既屋村街邊貨式，
借問聲你地係咪仍然會感激到暈呢.....?!哼哼...
Wynn 2008-03-11 13:53
Koala2008-03-11 18:04
山羊公園 2008-03-11 12:31