2008渣打馬拉松 - ready篇

2007年2月17日 (星期日)
天氣: 陰, 無雨, 乾燥
氣溫: 13-17度

咁舒服既天氣，實在太適合參加左2008年渣打馬拉松既運動健兒喇！

為左有充足既準備，我地11點前就已經瞓覺，明明唔係我跑，但係都唔知點解有興奮而瞓唔著......

星期日，凌晨5:15，民少起身，而我亦在5:30跟隨住，準備為民少新買俾我既相機開光 - 就係親自到起跑點支持佢地喇！

因此賽事，地鐵全日通車，6:00am到達第一城，6:30am到達尖咀HMV。
嘩！天都未光，已經人頭湧湧，所有運動員都就地換衫，執行李，拉筋......而且ADDIDAS亦襯機做宣傳，出動高橋人為選手打氣:

見如此熱鬧，我也不知不覺四圍走而一度同佢地失散，到搵返佢地時已經6:45，時間不早，要搵返行李車放袋，而貴重物品就放o係我度。點知去到時，已有多部車已經關門，只剩下一部車仲半開緊門，有見及此，所有未放袋，全都不跟完定號碼，將自己既物品全拋入唯一既車箱內，迫人同粗魯程度，簡直超越年宵維園......可憐跟出跟入既我，一袋都係電話,銀包,水,甚至按摩膏，而且參賽者多是男生，我幾經艱苦先出到黎......最攪笑係聽到一個男仔講 "我想跑步o者......唔駛咁呀嘛......"，我當堂笑左出黎！

(準備中的4人)

介紹一下5人組中既4人先:

( 海關傳奇 - 肥牛, 組中步速既指標)

(歷蘇傳人 - 迪迪, 先天優勢: 長跑身型)

(教育界菁英: 傑sir, 教PE既，你話勁唔勁?!)

(打手 - 民少，以無限耐力見稱)

6:55am，天已光，跟大隊進入彌敦道，因馬路上全是跑手，我只好在路邊行，又一次與你地失散......不過在場既氣氛，不但沒有13度的感覺，更加熱到出汗！亦不停有團隊人仕搖旗吶喊，情緒好不高漲，隨著司儀倒數帶領下，3 - 2 - 1 ，7:00am！所有半碼參賽者魚貫起步！

在起跑點站著的我，幾分鐘後終於見到佢地一行5人喇！加油，努力呀！


(跟得BEYOND多，連手勢都BEYOND左......)

而boo boo亦因到場為榮少打點一切既關係，起跑後我們便會合，因時間尚早，先到boo boo與榮少既酒店先休息片刻......

雖然我地都驚佢地會中途跟不上大隊，先被車載回終點，此終最近既一個月，因天氣太凍既關係，大家都無乜點練習，但其實心底裡係相信自己既男人唔會咁無鬼用既！

因榮少話預計自己9:15am就會到終點既關係，我同boo boo 8:00am離開酒店後，先到美心食個豐富早餐，再搭地鐵由天后到維園等候佢地喇！

PS: o係酒店休息途中，阿柏竟然打黎話已經o係維園，原來佢係黎支持佢跑10km既朋友，順便睇下穿著毛澤東T-SHIRT既5人組幾時到......點解我話順便? 因為當我同boo boo 9:00am去到維園時，本來話等我地既阿柏，已經返左屋企......哼哼哼....佢既意圖好明顯啦......