嫁給漫畫

近年,遊走各漫畫公司,重逢行內舊同事,剩餘精英"死士"!
轉轉眼,大家打滾於呢行已如猜拳遊戲"十五,二十"年資以上!
睇上去,位位依然挺拔,風采依然.
面上只係稍見些少成熟痕蹟,絕對唔影響賣相! 呵..呵呵..!
每次吹水,話說當年往事,互補遺漏趣事時,都笑到鬆膊噴口水,
就如尋日發生之笑話! 哈!
但,一輪當年趣事后,有一話題必會提問!
結婚未呀? 有小朋友乎?
........一片籍靜過后,o鞋~~~聲隨之吐出!
A君:日做夜做,邊得閒識女仔ㄚ? 都想o架...
B君:噓~~~唔好累人啦! 搵朝唔得晚!! 唉~~萛把o那!
C君:大哥,咪玩我啦!我o甘o既身世,邊有女仔鐘意我o架?!
D君:吓....想呀! 點搵呀? 去邊度先搵到呀?!
E君:邊有你o甘靚仔ㄚ?大哥! 唔駛點出手,D女仔撲埋o黎,眼花撩亂ㄚ!
F君....H君....下柵N..君!
聽過晒以上各單身壯男心聲后,我心深不其然都,o鞋~~~究竟,發生咩o野事呢?
我單身寡仔之時,都曾經歷過未有着落之階段.
亦好清晰知道,話知你靚仔過潘安定,索唔過八両金!
唔出手就等於零,出手就有五成機會!
而且,數據上指出香港,明顯女多過男o架喇!
唔通,就此算落去,一世仔,就o甘嫁o左比"漫畫"乎?!
o甘,D成日問塔羅牌,問仙姑,拜黃大仙.....等等,
果D未有着落o既"餓男之女"仕們,點算呢?
真係,唔知係社會o既錯,定係月老退o左休咯?!
眼見各位,依然青靚如昔,心地善良,有責任感,且有D重淡淡肉般穩重!
除o左嘆句可惜外. 無話可說!!!
始終,人海茫茫,每個人都好似積木o甘,梗有一粒同你啪得埋o既!
充心希望,未有着落之行家舊友,人人都有"一登龍門,乘龍快婿"之日!

經典角式"無敵".

面具內外既"鬼僕".

執拾家居之時,驚覺有一債項未完成.

且,已有二十年之久! 鄺生,遲來的欠畫,抱歉!

***鄺生:吓!有件o甘o既事? 雖然經年.而家收到一樣高興!^-^    

才子Howard,港漫支持鐵柱! 多謝您支持!

當年"藝墟歲月"時,麥天傑先生o係我圍兇之下,為我所劃既速像.

傑哥真有一手,畫出我當年迷惘之眼神!

杭州週遊時,一嘗國內速描風格.

約半粒鐘完事,好一個其貌不揚的我! 哈!

"藝墟"行家"聰哥"為我劃o既送外賣之造型.

真有今時今日,退休前之工見地! 哈! 哈! 哈!

重登本人當年嗒得杯落之自畫像!

自畫o既,當然鬆手D 呢! 呵..呵呵..!

久唔久昅昅,"臥薪嘗胆"一番,懷勉,鼓勵,鼓~~勵吓o甘喇! ^-^