表弟出世喇....

我最細既表弟....係咪好得意呢? 不過未改名架

我又有多一個表弟喇....點解? 因為我姑姐係上星期四順產生bb....重6磅....上星期六去探姑姐同bb....我拎左利賓納...bb餅乾同bb衫部比我姑姐....姑姐仲話唔使晒錢買野黎喇....探下咪得囉....我就話見到得意就買了....我姑姐剛剛生完....要慢慢休息....不過佢話今次比上次舒服了....因為第一胎時補得好....不過而家好多野都未食得....要食薑補身同軀風....又唔可以開風扇....冷氣都唔得....食菜都要走油既....因為條腸要慢慢適應....飯都要食薑飯....要著長袖衫....怕凍親....我都覺得辛苦....但我姑姐話生完就咩都值得....仲問我幾時結婚....我就話無咁快....過多1-2年先....

之後就入房睇細表弟....剛剛出世既bb仔好細粒呀....我都唔敢摸佢....只係掂下佢隻手仔....同我隻手對比....差好遠....突然覺得自己隻手好鬼大隻....佢好舒服咁訓覺....仲未知道個樣似邊個呀....因為都未開眼....我姑姐話要2-3星期先知道....望住佢好可愛呀....姑姐就叫我用相機影相....我本來想影多張.....可惜佢訓緊....唔想打擾佢....就收手了....而家我地又多一個小生命....肥肥白白既bb!