書展嚟喇！

書展嚟喇！

各位朋友，今天開始blog內有全新banner，當然係用嚟提醒大家，七月書展就快到喇，請各位多多支持，買多幾本用嚟自己睇或者送俾親朋戚友啦！由於月尾我要做舞台劇嘅關係，所以今次小說簽名會，要等到七月廿七號才可以舉行，請大家記低時間，要返工就請定假或者早走，我已經專登同工作人員申請喺黃昏時間舉行，希望有更多人可以出席到。

兩本小說簽名會時間：27 Jul 09  1800 - 1900@會展新翼(詳細地點位置再在此公佈)

另外我會喺22 Jul 09書展既第一日，大概1700 - 1800出現喺書展內嘅「大眾書店攤位」，做下sale boy，谷下自己兩本小說，hard sell小販呢份工最岩我呀！各位到時見喇！

仲有仲有好重要嘅就係，較早前已經完成左，一路要等到接近書展先可以俾大家睇嘅呢兩條宣傳短片，終於曝光喇！麻煩大家幫個大忙，將以下呢兩條片勁喺email及facebook內，喪forward俾你地d friend知道及欣賞下，多謝大家啊！宜家市道唔好，唯有靠大家喺網上世界幫下手！唔該丫！求下你地丫！多謝多謝！

P.S.睇完有咩意見，請大家多多留言，我一定會睇晒架！