去年今日

去年今日 Nov. 4，2008正值金融風暴高峰期，當日寫咗一篇 風暴殺到埋身之二 ，當日真係唔知明年今日仲能否係公司寫 blog ......??????

今年今日 Nov. 4, 2009，我可以話俾你知..............................我仲可以係 office 寫嘅！

經歷咗呢一年風浪，好多嘢都睇化晒。生意上，稍比去年好 d，雖然無預期咁差，但同高峰嘅業績比...........仲差好遠、好遠！ d 客仲係越嚟越惡 (發窮惡)，講真，真係好難頂！好多時俾 d 客了到我都有一刻衝動想反枱唔撈！無奈，都係嗰句，仲有咁多人跟我揾食，同二十年心血，點捨得吖！ 係現今資訊爆炸嘅年代做貿易生意，由其係香港，難矣！ 有好多客都講明，轉得大陸料嘅都盡量轉，做高價入口料.........前路？= 死路！你估你賣緊 LV 呀！祗有慢慢退出江湖！要轉營？盡力而為啦！！

明年今日，我又如何呢？