快樂指數

近個幾星期身邊有幾個朋友不約而同揾我同佢哋傾 "心事"！ 所謂心事，其實都係環繞工作、事業、前/錢途！！首先多謝你哋嘅信任，向我講咁多私人嘅嘢！佢哋揾我傾，因為事情困擾著佢哋，唔開心，想揾人分享吓！祗希望我幫到你哋啦。

係噚日，見咗個好老友嘅客仔，會面期間，見佢滿懷心事，佢一向俾人感覺係"大笑姑婆" ，咁多年都無見過佢發怒同唔開心。追問之下， 佢問返我，Jackie 你一直覺得我開心嗎？ 其實好多時我都係扮出嚟喳， 我嘅快樂指數一年比一年低，生活環境迫到我就嚟發癲喇！！！

"快樂指數" ? 我聽過吓。之前有 d 調查都話香港人嘅快樂指數確係一年俾一年低。原來不經不覺間而經漫延到身邊認識嘅人。

自己又諗吓，對上一次感覺"真開心"係幾時呢？ 肯定係結婚、同 Jason 仔出世。 跟著遇上金融海嘯，之后似乎擔心多過開心！ 我擔心乜嘢？ 擔心 "前景"；包括 Jason 仔嘅前景！ 我相信大部份香港人唔開心都係因為擔心前景！

以前花咗一蚊，會好有信心揾返兩蚊！以前確信祗要付出，一定有回報！以前嘅香港充滿希望，依家好多人都感覺絕望，加上一個"廢" 嘅政府，令大家都感覺無助！ 貧富差距越嚟越大，點追？

朋友們 "快樂指數" 你有嗎？對上一次你感覺"真開心"又係幾時？