買車記

又係 2 號？ 好似逢係 2 號都有 d 重要事發生咁喎？

今次係 10月 2 號做咗個買車決定，簽咗 order 訂咗架車；135 開蓬版。



早前賣咗架 7 仔，因為太少用佢，唔用，主要係近年少咗海外客到訪，接戴客人嘅機會少咗，日常用又好似太大架，加上它年事已高，唯有賣咗佢，亦乘機換返架細車俾老婆 la。

換俾老婆？咁大方？  嘻嘻，係架！

先前我係有好多架車，不過架架都好鬼巨型，又或者要有 d 技術先揸得掂，日常適合女仕揸嘅車真係無喎！

原先諗過換返架 C 仔或 3 仔四門俾老婆，呢類車最啱女仕們，但諗落又好似無乜謂，如果一家大細出外，都有大霸同 X5 啦.... 咁，無必要再買所謂四門房車啫。

双門 3 仔一直係我至愛，但係性質上又同"波子" &"Mini" 相同。所以買開蓬似乎係最佳選擇！

揀開蓬車又係頭痕..... 市面可供選擇嘅真係唔多，淨係揀兩坐同四座都同老婆拉鋸咗好耐！！！！佢一句 "你唔理 小 B 喇？" 無嘢講！ 嘅然話得買俾佢........唉......您話事啦， So, my dream car Z4.....bye bye la.................................................

四坐開蓬，市面有得揀嘅，又要啱 burget 嘅，又係所剩無幾。 祗有 BMW 3 系，& 1 系 or Audi A5。

"疴 De" 嗰大口仔設計.........我又接受唔到... So, only 1 or 3 弍選一。 

最后，係上月尾試咗車........3 仔試完...... 哦....試完喇.........感覺祇係靚車一部，既無驚喜，又無快感！
轉咗坐上 135...... 起步....嘩嘩嘩..... 三聲.....子彈咁飛咗出去....  一路試，一路嘩嘩聲；連平時唔揸快車嘅 Kennis 都飛成百"畸佬"落山，佢話試俾我睇咁話喎！

平時睇慣 3 仔硬頂開蓬，覺得硬蓬摺口太多，破壞咗線絛，頂尾部份又太圓，似龜殼多 d，見返布蓬，感覺舒服好多！如果以 135 嘅 burget，祇可勉強買到 330，但依家可以買到 1 仔嘅 top of the line。 雖然好多朋友都唔建議我買 135，又話唔大方，又話唔保值，但揀車嘅嘢，真係要憑感性多 d！ 連老婆都話 3 仔開蓬周街都係，要買，就買另類少少。 所以最終都係揀咗呢部！

車型，顏色，皮籠..... 連唯一一條我想要嘅雀眼木都唔俾我揀...... 嗚嗚.....老婆今次您話晒事啦！唔好再投訴喇