愉快周未

上星期四收到一則不太愉快嘅訊息，影響咗心情！原先安排好嘅飯局都無心機去，祇有 cancelled，打道回府； 而且成晚都好無癮，旁人一望而知！

又或者經多年修練，得失已睇得比較淡，我嘅 EQ 亦似乎大有進步喎，第二朝瞓醒，不快心情已忘掉七七、八八！

Friday 下午，到訪友人 "M" 嘅寳號，揾佢幫手跟一跟我保姆車底一 d "什音"，嗰 d noise 係上次撞車后出現嘅問題！檢查后確認 d "什音"並非甚麼后遺症，加返少少潤滑油已經攪掂！ Thanks "E&M"。 解決咗 d "什音"之后，帶著極靚嘅心情同揸著好玩嘅保姆車去開始周未嘅節目。

Friday night - 羽毛球大戰。 以前同 d 伙記一齊玩，依家就跟咗 Mr. X 定期作賽，Mr.X 出錢出力，謹此致謝！ 他朝減磅成功，你嘅功勞.......哈哈！運動之后例牌晚飯，期間 K 哥提出即興唱 "K"，吓，又好！ 我嘅"亞 K" 又肯放底小 b 同你哋癲，我都估唔到！Table for six 吖，唔該！

去到"K"塲，發現全塲最老餅就係我哋六絛友....唉.... out la......！

Mr. & Mrs. X 嘅歌喉.................你估都估唔到...咁............... 遲 d 大家留意 You tube la....!

星期六，帶著疲倦嘅眼皮，晨咁早去西環接老媽子過來拜神，做乜拜神？ 因為新屋要裝修喇，動工前跟傳统先揾個專家拜拜"四角"先，開工大吉吖嗎！

中午，知到快要打風，又擔心晚上另一飯局要取消，但係友人"S"依舊守約，來我家作客，好，我最喜歡呢 d friend，住得遠，又無車，但係爽快又唔婆媽！  "S" 就係早前篇 blog 講過花兩佰幾萬送個女去 USA 讀書嗰個 friend，佢個女今年 year 3，放暑假返來，同佢囡囡幾年無見，聚吓舊先！  但都唔敢留佢哋太耐，風雨來臨之前送埋佢哋返歸。之后嗰晚竟然掛九號風球，但係老婆同我完全無感覺喎？

Sunday，天氣好轉，工人放假，同咗Jason b & 老婆出去行街街 shopping，見到有面哈哈鏡，Jason b 儍咗，唔識反應添！

之后去咗一處好頂癮嘅地方....... Jason B 好 high 咁喎？邊渡嚟？

我估應該係全港唯一一間"嬰兒"餐廳， "Baby Restaurant" 祇招待歲半以下 bb。 早前睇 blog 友介紹過，一直無機會嘗試！ 自已住沙田都唔知附近有間咁嘢添！ 咁啱噚日輕裝行街，無帶 baby food (放咗係車)，醒起呢渡有嘢食，試吓先！

有乜嘢食？

都有幾款 menu 俾你選擇，我揀咗雞肉意粉，菜湯，+ 奶布丁 $29 套餐！   餐廳環境同食具都好干淨，職員整食物時都帶晒手套，口罩，頭套！ 望落去都幾放心！

Jason b 第一次自己幫襯，(父母無份) 似乎好受落咁喎！食晒。

晚上再約咗K哥食飯，最近多菜少肉、又似乎有點成績，近日磅重，比高峰期少咗 6.5 lb， 努力，努力....

又一 happy weekend。