621 首個做人老豆的父親節

原本唔想寫呢個 Topic，因為上個月母親節都無嘢記低！ 不過好多朋友仔都追問我，點樣渡過首個做咗老豆的父親節？ 又好，滿足吓你哋 d 求知欲 (八掛就八掛啦)！

唔想寫，其實主因係無嘢寫！無嘢發生，又何來話題？

甚麽母親節，父親節？我對呢類節日嘅感覺一向好平淡，要做孝順仔，又何必要係呢日先去表演吖！ 至於 Jason，佢乜都唔識，興祝乜嘢呢？

Kennis 最近又讀返書，之前因為有咗 Jason，焗著停咗個課程，依家佢想完成埋個課程，我無理由唔支持啫！ 唔讀多 d 書，第日點揾份高薪厚職，供我食軟飯....ka ka ka..

父親節當日佢都要返學；一早就送咗佢返學校，Leza 又放咗假，一支公，焗著我要做"帶子雄郎"獨自帶 Jason 仔返娘家 (我呀媽囉) 見嫲嫲，玩親子日！ 中午飲茶，人山人海，都唔明 d 人係咪一年先一次帶老豆出來飲茶，係都要呢日一齊迫嘅？

黃昏，接返老婆放學，抱著 Jason 行吓街，high 吓 tea，睇吓傢俬，超市 shopping..........攪到八、九點先諗要食飯！ 知四圍人多喇，揾處最唔迫人嘅地方先..... 就 Mega Box 啦，嗰道星期日晚一向人流疏落嘅，點知九點去到，絛泊車車龍仲圍著外街一個圈。咪啦，轉地頭，去一間實有位嘅餐館先...九龍城 - 超哥！ 點知去到九龍城外圍，又係車山車海，眼見內街塞滿車，入都入唔到！ 九點幾，Jason B 已超時未開飯。唔再揀，飛車返沙田，求其揾間中式酒樓，一齊開飯！坐落，睇餐牌；一如過往....父親節套餐，兩位，四位至十二位，一式一樣，祗能揀食 or 唔食，又貴又無癮。

唉，老豆就無啖好食，Jason B 就多選擇...睇佢食完個招積樣 :

首個做人老豆的父親節，就在揾食間難嘅情況下渡過！！！