新的一年

元宵都過埋，新年算係過咗 lu....

初十開市之后；生意依然淡靜！眼見一月份生意祗有正常嘅一半，唉都唔知點死！

開市后借機同 d 客拜年，實則睇吓佢哋有無走佬。興幸全部都仲係道，不過大家都無言以對。

過年前應收而未收嘅數；過年后 d 客仔都按承諾俾得返；暫時總算還得神落！至於今年點睇？ 可以引述一吓 匯豐銀行，亞太區顧問梁兆基嘅一番說話同大家分享：

『出口業及金融業一向是香港兩大經濟支柱，兩大支柱一齊受打擊。現在的香港就有如一個家庭，爸爸媽媽都被人炒了，雖然仍然有積蓄，但已失去收入，不知可以頂多久。」美國    經濟恐怕要5年光陰才能走出谷底，香港倚賴出口業，跟着美國一起「衰3年」也在所難免。香港目前的情况與1997、98年後那段時間很不一樣。「當時香港及整個亞洲負債很高，大家借錢來投資，當泡沫爆破，大家便Bankrupt（破產），但收入卻沒有受到很大的損害。工廠仍有訂單，歐美經濟仍然不錯，Bankrupt後，可以慢慢再儲錢，結果在2000年以後，亞洲便逐步復蘇過來。」今次的情况剛好相反，香港及亞洲底子厚了，各地外匯儲備滿瀉，但因為歐美深陷衰退，沒有訂單，等如沒有了收入。他指中國的經濟實力雖然較10年前亞洲金融風暴時強大了，但亦更加倚重出口。香港大部分就業更加與出口有關。所以，他相信無論中國及香港的經濟，都不能脫離美國經濟先復蘇。』

我一向有留意呢位梁先生嘅 comments, 覺得佢講嘢比較中肯亦有 point ! 所以我好認同佢嘅睇法。我認同財富係靠製做而產生，靠炒賣嘅財富不能持久。

前所未有嘅情況，祇能見步行步。