重出江湖第一天

十二月二十九日晚，成晚無乜點瞓！點解？ 心急囉，想早 d 天光，想早 d..........

六點半，摷醒老婆！！起身喇，返工呀，今日送你返工呀..... hei hei

八點鬆 d d 就返到北角，倍老婆食個豐富早餐，之后送埋佢返工就立即飛地鐵落金鐘，九點已經到咗運輸署；不過緊張過頭.........去去厠所先辦手續。

交信，出示身份証，簽收.......................先生 (職員話) 唔該寫埋簽收時間吖！

咦！亞 Sir，做乜咁緊張要寫埋時間？ 再多口請教吓先；原來復牌信上雖然寫明你可以係某年某日復牌，但你一日未係佢地本 log book 上簽收，咁你仲未可以 discharge 法庭嘅 order；咁你仲係停緊牌。簽收 log book 上所有資料都要你親自寫上去，對身份証，防止他人冒寫。同時 confirm 埋你可以揸車嗰一刻！以防你之前領嘢再之后先補交車牌嘛。哦！明白晒。好在嗰朝無揸車喳，唔係諗著有信在手就大安旨意，出咗事就大鑊喇。

九點三十二分！此刻開始，我身家清白，(一分都無扣) 重出江湖！ Ha ha.... 

跟著點........？？？？嘩....多嘢攪囉，三個月嚟有關車車嘅"差步"一次過攪哂佢......先同 X3 磨返靚對鞋仔先，老婆揸咗三個月祗係擦花咗對鞋少少，還得神落！ 跟著再返屋企換車，返去波子間廠攪D小問題....途中.....落雨......路滑........轉急灣.....入錯波.....俾大咗油........結果........神龍小擺尾............DSC....ABS......乜都出埋......有驚無險...！

重出江湖第一天就.............甩尾...........真瘀皮！