Goodbye, My God!

尋晚歐聯真係徹底咁輸左俾AC..
90分鐘內俾人KO左!~
無計..輸得心服口服!~
但亦要為我地一班球員歡呼！
大家都盡左力!...
雖敗不辱!

老實講,尋晚利記打得真係唔差ga!~
AC亦唔係話踢得特別好..
絕對係佢地水準之下o既表現!~

但我覺得利記係因為兩個因素而輸..

一係賓Sir戰術好有問題!
點解死都要出無態o既辛頓?
點解要換走Mark死KaKa o既馬斯仔?
點解要打單箭頭?
點解成70分鐘都未轉陣呢?

敗因二係前鋒把握力太差!~
其實尋晚有唔少埋門機會ga..
但只係自已把握唔到!~
你睇人地AC恩沙基..
兩個機會淡淡定定就搞掂左la!~
當然第一球有冇手球..
對此我就真係有所保留la..

講真而家利記班射手..
埋門果腳同射手觸覺真係差D!~
高冶係有潛質..
但比我感覺佢始終都唔會成為頂級!~
去盡都只係一線尾二線頭!~(古治都係)
把握力始終同一D頂級射手有D差別...
亦更令我覺得.."神真係無人可以取代"!!

科拿終於都要走la!
唔捨得但亦都係意料中事...
我同好多人一樣,
當年因為利記班Spice Boy而成為利迷!~
作為利迷,一個陪住我地超過15年o既球員要離開..
係有D難受..
但我亦好多謝賓Sir響呢兩季裡面,
俾個機會我地再見番我地利迷最尊敬o既神!!

神..

永遠都記得你對阿仙奴四分鐘內連中3元!~
永遠記得你當年點射爆舒米高...
永遠記得當年贏紐卡素4-3個場你有幾堅!!

永遠記得你果招後腳Dik波過人然後再射入..
有如漫畫足球小將戴志偉一樣咁嚇死人o既經典入球!!

永遠記得97年Cup winner's Cup你入波之後除衫,
裡面件T-shirt寫左支持利物浦市碼頭工人罷工o既字句!!

永遠記得你對阿仙奴o係禁區跌低,十二碼..
不過你就同球證講話施文冇整跌你,唔係十二碼..
球證唔理你..最後你特登射唔入個十二碼!~~勁型!!!!

永遠記得你對愛華頓入波後係咁爬係地下度扮追龍慶祝!!(HaHaHa..)
永遠記得你響歐洲足協盃對亞拉維斯幫利記追平果一球!!
永遠記得當年老候賣走你..令我憎老候憎到而家!!!!
永遠記得你對49000入波後舉起五隻手指o既畫面...
永遠記得你同老麥一齊合作o既日子....

再見la..科拿!!
向著新o既一方出發!! 
你對利記o既貢獻,我地利迷永留心中!!
即使離開,你亦永遠都會係我地o既利記之神~!!!
      
God!!You'll Never Walk Alone!!