「國民歌王」周華健 與「歐香女郎」葉璦菱

周華健...葉璦菱....
近排我真係中哂佢地o既毒~~
日日都狂煲呢兩位實力派唱將o既歌....

「國民歌王」周華健

其實我一直都覺得周華健個唱腔真係好鬼怪!~
似哭非哭..似笑又非笑~~
但係又有一種莫名奇妙o既吸引力!~
即係我覺得就算佢笑著咁去唱一首悲情歌...
都一樣可以感動到人喊!~

我記得我第一次買o既周華健唱片~~
就係佢果隻[聽健16首廣東精選]!~

呢隻精選裏面真係首首都係絕頂正歌!!!
『濃情化不開』、『為愛情受傷』、
『誰叫我』、『海角天涯』....
真係首首經典!!!~
但全碟我反而比較鍾意兩首盞鬼少少o既歌~~
就係『新天長地久之男大當戀女大當愛』...
同埋『有過去的人』啦!~

我鐘意『有過去的人』呢首歌...
係因為阿華健哥真係唱得好鬼死型!!~
而『新天長地久之男大當戀女大當愛』~~
就係我唱K o既其中一首必唱曲目!~
呢首歌歌詞o既密度...
可以話比克勤首『Victory』仲要密!!~
我每次都可以唱到哂成首歌o既歌詞...
但就唱到好似數白欖咁!~~哈哈~~

呢隻廣東精選仲有一首好感人o既歌...
叫做『月滿 』!~
真係好鐘意呢首歌o既歌詞....

「願世間常歡　床前明月多滿
月兒沒膽說傷感的一半
完全忘卻也罷　便能描畫夢裡的畫　
是這幅畫　即使太完美似虛假」

當然周華健好聽o既歌又點止咁少~~
仲有佢唱o既一堆武俠劇主題曲!~
好似『刀劍若夢』呀~~『風笑痴』呀~~
同2006年神鵰俠侶o既『江湖笑』等等...
我一向都覺得周華健o既聲線同唱腔~
比"鄭少秋"同"羅文"黎得更有「江湖味」同「大俠格」!!~
所以佢唱起呢D主題曲起黎~~
真係份外瀟灑!!~

佢唱o既武俠劇主題曲當中...
我最鐘意就係95年神鵰俠侶果首『神話情話』!~
佢同"齊豫"o既合作真係可以話係火花四濺!!~

咁當然周華健最出名o既都係佢o既國語歌啦!!~
如果你想了解一下佢o既國語好歌....
我建議大家可以去買佢03年推出o既「周而復始」!~

呢隻3CD國語精選...
可以話包含哂佢所有o既國語經典咁滯!!~
好似『讓我歡喜讓我憂』、『花心』、
『明天我要嫁給你』、『愛相隨』、『朋友』
『有故事的人』、『不願一個人』等等....
但我最愛o既周華健國語歌~~
就反而唔係呢D經典....
而係一首冷門少少o既『終於』!~
呢首歌係收錄響佢「朋友」o既果張專輯裏面...
係一首好悲情o既歌!~
歌者唱得有血有肉...
聽者則悲痛心碎,泛起淚光...

終於MV

周華健o既好歌真係數極都數唔完....
實在太正啦!!~~

好期待佢下一張o既唱片!!~
因為佢對上一張「雨人」真係幾正!!!~

「歐香女郎」葉璦菱

葉璦菱...我諗響香港應該冇乜人會識佢!~
但佢響台灣o既知名度就真係絕對唔o野細!!~
某一個葉璦菱歌迷o既一篇網誌...
就曾經提及過葉璦菱o既威水史~~
當年佢被人稱之為"蘇芮"之後又一位超實力派女歌手!~
當時更有台灣媒體誇稱,
如果葉璦菱早十年出道o既話...
可能國語歌壇就唔會有"歐陽菲菲"這位巨星o既出現啦!~
可見當時佢o既矚目程度去到邊~~
但點解葉璦菱會有個稱號叫「歐香女郎」呢!?
就係因為響佢仲未係歌手之前,
曾經遠赴法國拍攝一個名叫「歐香咖啡」o既廣告~~
令佢一炮而紅!!~
情況就好似"郭富城"出道前...
因為拍攝廣告而備受矚目一樣!!~
其實睇番葉璦菱後生又真係幾靚幾有味道!~
有一種難以形容o既特別氣質!!~
所以有人搵佢拍廣告真係一D都唔奇!!~

講番我對葉璦菱唱功o既評價~~
我覺得佢o既歌聲之所以吸引到我...
係因為佢o既唱腔非常多變!~
有D似我地香港o既歌姬"梅豔芳"!!~
豪放但又深情內斂~~
獨特沙啞o既聲線更令人一聽難忘!!~
當佢唱歌果陣...
即使佢無好似"杜麗莎"同"甄妮"咁嗌爆咪~~
但仍然感覺到佢氣量十足!!!
佢o既音域真係好廣~~
低音中音高音和音通通都難唔到佢~~
如果你想見識一下佢o既音域有幾廣~~
我建議大家可以去聽下佢o既成名作...
叫做『因為‧‧‧所以』!~
呢首歌葉璦菱由低音到高音o既處理真係好一絕!!~
並且亦唱出左歌中應有o既果種張狂~~

因為‧‧‧所以 試聽

葉璦菱o既好歌仲有好多....
好似『七月雪』、『一個人一個夢』、
『愛你愛到心醉』、『請你帶走』同埋『愛我別走』等等...
『愛我別走』並唔係"張震嶽"果首!~
而係同台灣一位有名o既合聲高手"孫建平"o既一首合唱歌!!~
除左『愛我別走』之外...
佢地仲有合唱一首歌叫做『喊』!~
係翻唱日本搖滾老團"CRYSTAL KING" o既一首作品o~~
又係正歌一首!!~

而我最鐘意o既葉璦菱歌曲...
就肯定係佢果首『殘缺的溫柔』啦!!!!~

我對呢首歌o既形容係....
「由一粒音...到最後一粒音完結都咁令我著迷!」
我一日真係至少要聽佢幾次先訓得著~~
因為實在太正啦!!~
我唔識講有幾正~~
大家聽過就會知o架啦!!!~

殘缺的溫柔 試聽

所以話...
聽葉璦菱同周華健唱歌~
真係有今生冇來世呀!!!!
哈哈~~~