我最愛的球員,始終都是你 - 麥馬拿文

最近有唔少傳言..
話麥馬拿文可能會來港獻技,甚至加盟流浪！
前段令人興奮,後段則令人發笑..
哈哈..又點會呢?講笑咩大佬!!

當然我最近工作都頗忙..
即使佢黎左我都應該抽唔到身去捧佢場..
但內心仍然係會幾興奮,希望去睇睇..

但早幾年皇馬訪港果陣,其實老麥早就己經黎過啦!
但可能當時太多球星睇,而老麥又無落場踢..
所以先會俾人忽略左je果陣!

唔經唔覺老麥原來都34歲..
我記得我第一次開始睇波係94年World Cup..
當年我當然係捧我最愛o既國家隊Holland啦!
但八強Holland就俾Brazil踢左出局..
當時我就寄望Italy可以幫我報到仇..
但當然最後.........
R.Baggio果球十二碼,到今時今日仍然記憶尤新..

但如果要數我真正迷上睇波..
就一定係因為一個球員!
Liverpool永遠o既7號 - 麥馬拿文!
當年Liverpool雖然正處於非常低潮期..
但Liverpool悅目o既打法就深深吸引著我!
令我成為利記球迷至今!
尤其係當年利記班Spice Boy!
哈!即係老麥,科拿,列納同占士等等...
全盛時期既老麥+科拿+列納真係各有千秋!
列納o既自由球處理,打法冷靜,有領導能力!
科拿就有神o既射手觸覺,射術!
而老麥就係少有英倫球員會有咁好o既腳法!
可以一個人連續過幾個對方後衛...
而且活動範圍又大!

但我最鐘意睇老麥o既最大原因係..
無人可以好似老麥咁扭住波仲可以撥頭髮咁有型..
施丹扭波好勁...但佢唔可以撥頭髮(哈哈哈哈~~)
而且真係好少人踢波會有佢踢得咁鬼瀟灑!
雖然後來佢用Bosman條約轉會..
去做其6萬鎊周薪o既皇馬後備!
傷左唔少利迷o既心..包括我!

但老實講,自從老麥離開左利記..
科拿同列納又相繼離開之後..
我就少左好多睇波..
係有時如果老麥,科拿或者列納效力隊波有比賽!
我先會睇下..

但老麥響皇馬其實都唔係一路無正選o既..
第一年仲係正選黎o架!表現仲好好..
入左唔少金球..仲協助皇馬攞歐聯冠軍添!
但係當費高,施丹,Beckham相繼加盟..
老麥就一路都無乜正選啦..

離開皇馬之後,老麥就加盟左曼城!
但佢去到曼城可以話真係一無事處...
攞波同無波響腳都只會指人去呢度果度,一D建樹都無..
最後佢亦只係踢左一季就離開左曼城,冇再落班啦!

響近年..科拿回歸利記令一眾利迷都驚喜萬分!
唔知老麥你又會唔會有機會.............
喂!妄想下都得卦!哈哈..

我最愛o既球員,永遠都會係你 - 麥馬拿文!

無老麥,我唔會係利記球迷..
無老麥,我唔會係球迷..