長高啦

之前從網上買來些種子 .. 我就試吓種 ..
經過一段時間 .. 有 d 種子已經種出葉添喇 ..

呢盆係迷你蕃茄 .. 我好想種到蕃茄呀 .. 唔知食唔食得呢 ..

呢個後來先種的 .. 係迷你蘿蔔仔 .. 都已經種出小葉喇 ..

之前的士多啤梨 .. 乜動靜都無 .. 相信已經比我玩 c 咗 ..
心有不甘 .. 再買種子試過 ..  今次有芽喇 ..

種咗咁多種子植物 .. 都要睇返舊有的植物先 ..

之前種的苿莉花 .. 經常晒太陽 .. 比我種到半 c ..
依家換咗位 .. 情況好好多 .. 不過就走唔出屎塔同埋 BB 的魔咀 ..
呢盆成日都比佢 2 個偷食 .. 大家睇吓比人地食完的葉 ..

好好地一盆植物 .. 比佢 2 個食到唔知似乜 ..

好彩 .. 都有花花出來 .. 希望今次唔好再佢地食咗啦 ..

之前屋企的紫蘿蘭好大盆 .. 我自己剪咗 d 葉 ..
跟住分咗 10 盆 .. 好多已經種出小葉子喇 ..

種植物真係幾好玩 .. 雖然我依家未有果子收成 ..
不過見到植物一日一日咁大 .. 真係幾開心 ..
依家都習慣早上上天台睇吓 d 盆栽 .. 心情靚靚的一天開始 ..