糖果嘉年華

2009年8月22日     ~by博文   

好耐無去過科學館, 趁而家有 "糖果嘉年華", 媽咪就帶我地去玩左一個下午~

睇吓我地身後呢粒糖有幾大!!!!  呢糖係冰糖黎架~

咁我同妹妹就挑戰 "冰山", 徒手行上去~

原來去糖果嘉年華, 真係有糖食架!  不過, 要 "筆" 粒糖出黎真係唔容易~

原來呢度要我地食左粒 super sour 糖, 然後即刻影相, 睇吓自己個樣有幾酸~

哈哈, 妹妹唔係好抵得酸, 所以嘴扁扁, 最後仲捱唔住吐左粒糖添!!!!

而我呢?  無問題, 我一向甜酸苦辣乜都得, 所以仲可以對住鏡頭笑~

除此之外, 裏面都幾多野學幾多野玩~  妹妹就o係條脷度跑步!!!

而我就去試吓聞唔同o既味, 猜吓係d咩~

最後, 我地仲有機會設計埋糖果包裝紙添~

走出左好食又好玩o既 "糖果嘉年華", 我地進入左 "鏡子世界" ~

雖然玩過幾次, 但每次都覺得好好玩~  睇吓, twins X 2 ~

無端端變左咁細粒~  我地兩個仲係咁扭腰跳舞, 好搞笑~

呢個部份亦係我地必去o既區域~

不過今日妹妹好驚後面o既恐龍畫, 好難先叫到佢同我玩一陣~

仲有玩電腦遊戲, 合作砌番人體o既骨胳~

第一次試玩呢個滾洞, 原來都要好大力架~

妹妹今日度到有110cm~                    

睇吓我, 有120cm呀~