活在恐慌的一個月 (part 6)

佢咁既情況, 我唸佢今晚會更癲, 過一陣, 我扮沖完涼出返去, 見豪哥安靜左坐係sofa 睇緊電視, 我個心就不停唸家姐快d 黎 .. 快 d黎 .. 時間一分一秒咁過, 差不多一點多, 家姐終於到 la ..

豪哥竟然無問家姐點解咁夜黎我地屋企, 不過我發覺家姐係處, 豪哥即刻變得好安靜, 亦無古古怪怪同亂講野, 更加無再講下午發生既事, 似乎澳門大家姐講得岩佢係蝦 (食住) 我, 家姐坐左一陣, 就叫豪哥快d入房瞓, 而豪哥亦無 say no, 真係走入房瞓, 睇在我眼裹, 簡直係好神奇, 平時呢個時候, 佢係最癲, 同家姐傾左一陣, 準備聽朝11點有師傅黎我地屋企, 幫忙捉走果樣野。

一早瞓醒, 落樓下等師傅, 我地用前後包抄既方法, 去到門口先打比豪哥叫佢開門, 等果樣野無機會走, 師傅係樓下既時候, 再三同我講一陣間佢可能要同果樣野講數, 講唔掂既話, 可能會打果樣野 (豪哥個 body), 叫我唔好出手, 同埋一入門口即刻比杯fu水佢飲, 如果係有果d野既人佢係唔夠膽飲嫁 ..

之後, 我同師傅係門口等豪哥開門, 豪哥一開門, 我碌大對眼留意佢有乜反應, 豪哥同2位師傅 say hi, 經介紹後 (我話比豪哥聽呢2個人係黎同我地睇風水既),

佢既反應好正常, 我比左杯fu水佢飲, 佢即刻拎轉面背住我地, 就放低左, 我見咁既情形, 即刻叫佢家姐行過去, 叫佢飲晒杯水, 佢無反抗, 飲晒, 跟住豪哥當正師傅係風水師, 問東問西, 我地既師傅係佢後面不停打左幾次掌 (當然唔係打落去豪哥個 body la), 同埋寫左d野係佢背 “隻”,

師傅講過佢一打掌, 假如果個人真係有果d野係身, 佢係會即刻仆去前面既 (即係好似我地平時行行下 cake 到野, 仆向前面咁), 而師傅再三做左幾次呢個打掌動作, 佢都無乜反應, 師傅同我講, 佢無野 wow ~ 

跟住師傅係我地屋企坐左一陣, 睇下佢有無其他不尋常既反應,  師傅話我地張床無床 pan, 好唔掂, 無床 pan即係無靠山, 要加返個床 pan, 同埋佢見我地個門口土地吊起左 (離地一呎) 係唔可以既, 同埋師傅覺得無唸過經, 點樣可以開到個門口土地既光呢?  佢叫我地搵人幫我地再開個門口土地!  同埋叫我地拆左支燈 (7月9日佢話好靚果支), 佢話果支燈好邪唔係咁好喎  !

師傅坐左半個鐘就走左, 我跟左佢地2個落樓下, 師傅同我講, 你老公係超級黑仔同埋行衰運 look, 叫佢剃晒d 鬚 la, 師傅話不過頭先睇佢就無野係身, 可能果樣野收到風la .. 走左掛 (我心唸又可能我昨日係澳門大家姐果邊做左d野), 不過佢的確係曾經有野停留過係佢身, 佢個樣好唔掂,

師傳話佢飲過fu 水既人 (當然係有野上過身果d人 la), 飲完會嘔吐既, 不過每個人體質唔同, 所以唔知佢會幾時先嘔, 佢假如真係嘔, 係會嘔d 深綠色既野出黎, 同埋叫我一陣正午帶佢落街行, 吸收d陽光, 同埋一陣要帶佢去廟打個轉, 再帶佢去食齊,

家姐岩岩有朋友今日搬屋, 即刻帶佢去幫手搬屋, 吸下陽光同埋出一身汗, 我地屋企附近有間廟, 我帶左佢入去走左一轉之後, 跟住家姐就帶左佢去幫手搬屋, 放低老公休息左2個鐘,

2個鐘之後去接返我老公, 見到佢個樣好唔舒服, 好唔掂, 我問佢要唔要依家同你返屋企, 佢拎下個頭, 又唔係太睬我, 我拖實佢好擔心佢有事, 家姐之前已經同搬屋果個朋友講左, 一陣要去食齊, 順利去到齊舖, 我地夾計要我老公坐係神壇前, 佢個樣越黎越唔對路, 好似想嘔, 又嘔唔出咁樣,

食到差不多, 豪哥身體,手部,頭部全身開始不停打冷”陣”(搖擺), 我地成枱朋友都見到, 大家你眼望我眼, 豪哥面色非常差, 好似快將暈倒咁樣, 我估計豪哥當時應該知道自己做出呢個不自覺既行為, 佢用自己左手cool 實自己右手, 等自己唔好失禮人前, 我即刻緊緊捉實佢, 攬實佢, 問佢要即刻返屋企嗎?

豪哥堅持要等大家食完先肯走, 我緊緊攬實佢, 佢身體好似無搖擺得咁利害, 十分鐘後, 大家埋單走人, say goodbye 之後, 一個轉彎位, 豪哥極速地嘔出一速墨綠色既物體, 因為係好關鍵, 我碌大對眼睇佢嘔d咩出 lai,

而我肯定見到果速係墨綠色既野 (係真係一大速嫁), 以極速同好快咁一大速咁流入坑渠, 而豪哥嘔完果速野之後, 講左一句舒服晒 ar! 十分鐘路程, 豪哥再嘔多3次, 不過佢再無嘔綠色野, 而係嘔返之前食過果d野, 中晒師傅講d說話, 返到屋企, 用 fu 水比佢洗個面,  休息左一陣, 我見到豪哥面色真係好返好多