一直以黎都有人話點解我呢個blog 無講過自己既野..
因為我覺得呢個blog係為普樂而開既.. 所以我覺得唔應該係到講..而且我對自己懶左update 已經覺得對佢唔住..hahaa
不過今次有d 例外既, 話哂都係關普樂事
事緣我臨收工前幾個字, 有個客上黎, 一男一女..2個機關槍咁鬧我. 雖然成件事上面唔係我既錯.. 但我都係俾人鬧 依家d人真係好過份, 好無理取鬧
大大話話俾佢地鬧左成十幾廿分鐘..
我真係好唔開心好嬲, 依家d人真係好過份, 我真係好唔開心....心情俾佢地搞到好差
收左工連去買野到番到屋企都仲好唔開心, 有時諗番起就喊..
我覺得自己好折墜咁..點解仲要係到做, 點解要做埋d 咁既野..
我突然諗番起黃子華曾經講過, 你份人工幾多, 唔係因為你為左公司做到幾多野
而係因為你為左公司失去左幾多
我因為呢份工, 無左快樂, 無左自我, 無左自由, 無左時間, 無左尊嚴, 無左自尊, 無左原本既自己, 無左好既情緒, 無左樂天既我, 無哂正能量 而換來既只係8k都無既人工
真係好唔開心好失落, 唔明點解依家d人咁變態..我真係覺得依家香港係一個惡性循環
你番工唔開心俾上司俾同事俾客戶問候, 鬧完, 你唔開心, 你大壓力, 出去做客既時候你搵人你發洩, 對方又因為咁到自己係客個時又做埋d野蠻既事..不斷 loop
老實講, 己所不欲, 勿施於人, 點解你地唔明呢個道理, 唔係正正因為你覺得咁樣係令你自己唔開心, 你出到街做客個時更加明白到對方係處景咩﹖點解你要做番一d 自己都覺得唔岩既野去對人呢﹖
風水輪流轉呀！你可能覺得自己一世都唔會做呢d行業, 唔覺得咁做有問題, 但可能總有一日你會因為任何原因接觸番呢行既時候你又會覺得人地唔岩.. 但你應該好好諗清楚自己到底做過d 咩野！
講左好多無謂既廢話添.. 總之因為以上種種既事我好唔開心..番到屋企都未平伏到..
走到出去呯一聲掉自己係普樂用開張墊到..開始忍唔住又喊.
兔爸見到就走出黎安慰我..唔知係我喊得太勁(但我喊無聲..)定還是普樂真係feel到我唔開心啦..佢走出黎係我同兔爸中間..一心以為佢黎氹我啦.. 佢一隻手仲搭左係兔爸條腰到..原來普樂咬住兔爸個patpat唔放..XD
兔爸又怕整到佢唔縮得, 因為當時普樂夾左係我地中間, 而我又唔知普樂咬緊兔爸..
直到兔爸忍唔住出聲既時候我先發現..
當時我就係到諗, 會唔會普樂以為兔爸整喊我所以咬佢呢﹖
因為咁我無鬧到佢咬人唔岩..我淨係走埋去摸下佢同佢講, 爸爸無蝦我呀. 唔係爸爸整喊我架..我唔開心, 你好似爸爸咁氹下我好唔好﹖鍚啖好無﹖
不過普樂無理我, 可能覺得好無癮掛..雖然當時笑唔出. 但之番諗番都覺得幾好笑！XD
我仲一直都以為普樂唔知道我喊緊個時係唔開心添..因為次次有事唔開心我都會攤係到攬住佢黎喊..但次次普樂都無反應
DSC04079.JPG
DSC04078.JPG
DSC04076.JPG
☆★惡魔1號★☆ 2009-11-21 20:02
大米 2009-11-16 17:59
2. 選擇性失聰. 留心聽聽那一堆牢騷中有沒有投訴真正的原因雖要處理, professional 嘛我哋. 只係情緒的發泄就時運高,聽唔到.
3. 把不快交給日記或朋友, 佢吔記你咩唔使記囉.
4. 失去自控在公開場合發脾氣的人, 一是本身有很大的壓力, 或沒有接受好的家教,或身邊沒有人提點, 所以都幾值得同情.
5. 幫普樂按摩啦, 我心煩的時候小米會嫌棄,逃之夭夭. 所以一定要深呼吸,平靜下來才可以親親兔架.
太囉騒了.
小b 2009-11-02 12:02
依D咁無教養又無文化既人, 其實除咗香港人之外, 好多國家都存在既! 希望你唔好唔開心啦! 喊咗出黎之後再重身振作, 唔好為咗D咁既人傷身就真, 好相信依D人日後都唔會點好過架啦! 正所謂"悪人自有悪報". 唔開心既時候, 記得諗下你身邊有我地依班朋友啦! 我地一定會支持你, 分享你既苦興樂, 知道嗎? 重有成日係你身邊支持你同幫你既男朋友同普樂呢? 普樂今之真係咬咗好人啦! 你男友做咗替死鬼添~
普樂2009-11-17 19:46
依家個個人都好有問題好有壓力！
我反而係好想轉工 我真係頂唔順~
Crazy MuiMui 2009-10-30 15:33
我以前都做過服務性行業...
不過衰客就無乜遇過.反而上司就好衰.
係d客面前勁鬧我.個一刻真係好想喊+劈炮唔撈!
但佢愈係想落我面.愈係想我走.我就愈企硬!
不過真係好委屈!
我都唔明d人點解咁過份..大家都有阿媽生..
咩事你可以咁鬧人0者..如果人人都可以為對方諗多一點..
呢個世界就好美好!~
普樂2009-11-17 19:45
如果大家都可以當對方係個人就已經好好啦！
BASCON 2009-10-29 23:26
普樂2009-10-30 12:37
多謝你呀=)
唔緊要啦, 反正兔爸都成日俾佢咬hahahaaaa
嗯, 我都好希望每日番到去都可以好開心咁對住普樂叫" 我番黎啦"
大米 2009-10-29 17:38
普樂2009-10-30 12:35
你好叻啊...好多人都話最難係記住d好野, 而可以delete到衰野！
過兩招俾我呀！
白仔 2009-10-27 10:30
請用盡你所有的EMAIL, 投票完畢要登入你的EMAIL A/C, 要CLICK入電郵裡面的"驗証你的電郵賑戶"!
http://www.happygreeniesland.com/phase2/story.php?pid=1040&did=1070
普樂2009-10-30 12:34
Bee 媽 2009-10-24 16:16
都有試過你既情況, 又係俾人鬧到狗血淋頭, 聲都唔聲吞晒落肚,
番到屋企已經忍唔住, 坐係 bee 豬門口係咁喊,
個傻女見我喊到氣都回唔到, 唯有 R 痕扮晒野咁引我注意.
當我喊完一輪, 冷靜咗之後, 我會諗 :
其實 E + D 人真係好慘好無奈, 每個人都有大舊大石 '咩' 係自己背後咁,
唔識將壓力用正確既方式抒發出來, 只會向比自己弱小既一群大吵大鬧,
以為自己高人一等, 對方一定要受佢氣, 從不察覺其實自己都好有問題,
都是可憐的大聲一族, 以為大聲別人就一定怕你,
大氣候如是, 何其悲哀....
不過自己都學緊, 點樣令自己心境平靜 D, 祥和 D,
不要動不動都勞勞氣氣, 因為你嬲到氣咳咩, 對方都不會可憐你而收口,
與其係咁, 不如留番啖氣暖吓肚子, 或是想想兔地既世界既單純之處,
多點這樣想, 才能令自己心情有所舒緩, 慢慢來喇, 我仍信相 :
人善人欺天不欺, 人惡人怕天不怕, 加油加油唷
普樂2009-10-30 12:34
睇黎我都要好好咁練下呢個景界！
我反正好似愈黎愈難令自己祥和..好似暴燥到高左好多..但係最慘就係我唔會亂人發洩, 谷谷埋埋都唔知放去邊！
大家都係要加油呀！我諗遲下個市好d我都可能會轉番一份唔洗對街客既工~
Crazy MuiMui 2009-10-23 13:17
返工有時真係會好受氣!尤其要對客0既...~
不過d人成日話出得份糧..就包埋要受老細or客0既氣!!
有時壓力大..我都好想喊一埸!!
普樂2009-10-30 12:32
最慘有時係灰到連喊都唔想喊..但個人就連續好幾日都唔開心..
Little CC 2009-10-15 11:08
http://hk.myblog.yahoo.com/littlecc126/article?mid=3423
普樂2009-10-16 14:24
我已經睇完啦, 希望我都可以慢慢咁走出黎啦！
不過我到依家都仲係好難去轉換心態.. 原來EQ高真係好重要..
╭＊Connie＊╮ 2009-10-15 00:08
普樂2009-10-16 14:25
其實我自己真係做唔出..我對事不對人.. 無理由咁對d 無關係既人lor
普樂仲要係咬實, 唔係咬一下就算 xd
不過可惜佢咬錯人~~hahaaa
棉花糖大小姐 2009-10-14 13:29
做打工仔係咪架啦,成日都要受氣,不過諗深一層,就算你係老闆都要受個客氣架啦....算啦,大家都係生活壓力大姐,返到屋企咪同兔爸講lor,佢實撐你架,唔好為咗d咁既野唔開心啦~~
我都覺得普樂係以為兔爸整喊你所以咬佢.....可能後尾發現咬錯人所以借d"二"走咗去,癈事俾人鬧~~
普樂2009-10-16 14:27
haha 所以我個次都無鬧佢, 淨係摸住佢頭仔同佢講XD
平時兔爸激嬲我叫普樂咬佢又唔肯, 唔知做咩今次咁主動~
大頭B仔囡 2009-10-14 13:10
普樂2009-10-14 23:25