入廠大驗

巳忍咗好耐!

差唔多每食完一餐[不論早,午,晚餐]都會嘔返一少部份出嚟!

巳經到達忍無可忍!的起心肝去睇醫生,後來醫生話要照胃鏡,

於是入咗法國住咗2晚,但嚴格嚟講只係1晚!

[in:28/09 8:00pm,out:29/09 4:30pm]但住院費要俾2日! Z%X#$#@!

照胃鏡都幾搞野! 入到間房有2個朦面人叫我瞓上床

之後噴咗D药入我嗰口叫我唔好吞之後叫我打側瞓,跟住問我吞咗未呀!

[大佬又叫我唔好吞10秒都唔夠又問我吞咗未做乜唔吞]你好嘢!

你朦面你企响樹我瞓响樹我忍你! 跟住同我打針之後，

覺得有D水係手背的血管流緊!之後就榮咗!

之後醒返已經係病房!

後來同我講我有:

幽門螺旋菌 、胃潰瘍、十二指腸潰瘍

重發現於食道內有粒嘢, 而家攞咗去化驗未知係乜!

後來俾咗一大包药我, 叫我食晒就好架喇! 重有一隻幫我照胃鏡的DVD錄像!

反到屋企無無聊聊開嚟睇! 發現佢會用個夾, 夾我D肉出嚟, 跟著會流血!

喂醫生我照胃鏡咋無叫你夾我D肉喎,重出血添,喂痛果喎,有無理過我感受呀!

個多個星期再去覆診睇吓果粒嘢係乜嘢嚟!

喂! 醫生我會唔會死架!